MALAKHI 3:13 - Khumi Common Language Bible

¹³ Areng my, “Nangchi ly kai i satang ai hawi y nai satangchi palawn iy thui u bo. Na i py nangchi my, ‘Kaichi ly nang i satang ati mana kathui u mo?’ nanai deng u.

MALAKHI 3:13 ပူးပေါင်းရင်းမြစ်များ

JOBA 15:13

Tameuh ai ati mana nai kado theu hai iy, hina nai katheu lawh mo?

JOBA 40:8

Nang ly kai teng y leu meitang adyh adawi nai by y leang, nanai pany hai nai ka-ma-ra patei ai nai atho sa ai a? Nangmy mang kateng lawm ai nai, kai ai cheh nai sai a?

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

THEU NAI 5:2

Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 46:12

Kaichi law tleaung ai nai neng ly palo rai, nanai thui nai khumi, nangchi paleung tang nai khumichi awi, kai i thui nai leu tangai u.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

JEREMIA 44:18

Na i py kani khusang samrangnu ai apathyp nai, ni i vui kreip hang katalamra leih naichi ai anawn u nai dengdairei kaichi ly kra pa-rei avaw naimy, kaichi i chengchi ly tavai takai hawi tahum takang y dei u lawh bo,” nanai thui pi u nai ne.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 35:13

Nang ly kai ai ka-awi sa iy atyhtyh naimy amlyh nai leu katheu nai py, kai ly thai nai ne,” napi.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

MALAKHI 2:14

Naibaly nangchi my ati mana nai y, huna nai kamta mymy kawn y naimy awm lawh mo, nanai deng u bo. Mymy kawn pi y nai leaungsai ly nangchi ly thawndeang nai thym khala pom nai aju teng y leu adeu nai taphra u, nanai mymy ly pany nai deaungkho y ne. Huni aju ly nang i ahawi ne. Nang ly ni i tlang tleaung y ka-ym awm ai, nanai Tameuh i mo y leu adeu lawh teu i py, huni leu adeu nai ai taphra vui lawh bo.

MALAKHI 2:17

Nangchi ly leu peung ala nai deaungkho y, Areng ly kano ngai y bo. Na i py nangchi my, “Kaichi ly nang ai kano angai hai y ai nai ati mana kasa u lawh mo?” nanai thui u. “Areng ly khumi hawi y nai ngiereichi ai khumi kahawi palawn bo,” nanai thui nai py, huni khumichi ai kawn nanai py, leu meitang adyh adawi bo, nanai athang khai nai Tameuh ly ma mang y awm mo?” nanai thui nai molam y py, nangchi ly mymy ai kano angai hai y nai ne.

MALAKHI 3:12

Naibaly nangchi i pri ly awm nai ajeaung ai hawi parai nai meingtym lawm ai. Huna nai y khumi cheng cheaungkhangchi ly nangchi ai taham hawi nai khumichi, nanai palau u ai,” napi.

MALAKHI 3:14

Nangchi ly ‘Tameuh ai chiu nai ly atyhtyh teu; mymy i leu pei nai kamta tangai i py, kaichi ly kaimychi sa tamang nai kamngochi molam y paleung si, nanai ati cheaungkhang sa thai nai Areng teng y atho sa iy pany hai nai py, ati kamran awm ai mo?

MALAKHI 3:8

Khumi ly Tameuh ai li-tapawp ngau a?, nanai nangchi ai kang deng ai nai ngai. Hina nai sa ai nai avo y i py, nangchi ly kai ai li-tapawp u nai ne. Nangchi my, ‘Kaichi ly mana kang tapawp u mo?’ nanai thui baly horei y harei talam nai hawi katalamrachi talam nai ngiereichi molam y ne, nanai pathang ai.

ROM AVANGCHI TENG Y PAWLA I CHA PA NAI 9:20

Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?

II THESALONIKA 2:4

Ni ly Tameuh nanai amyn pathi nai ngierei ai hawi chiu nai amjy bawibawi ai tiu nai, nichi i tlang tleaung y tahm apasang ai; hunaibaly ni ly Tameuh i achura yhm kalen pui y ateh iy Tameuh kamta apalawn ai.