MALAKHI 3:10 - Khumi Common Language Bible

¹⁰ Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

MALAKHI 3:10 ပူးပေါင်းရင်းမြစ်များ

ATITI AWM ANGCHEI NAI 28:22

Hini pany jo ai nai kai i lengseaung leng nai meingtym ly nang ai chiu nai meingtym lawm ai; naibaly nang i amtheaung hai nai theung i horei y harei kang talam jojo ai,” nanai vaineng abeu bo.

ATITI AWM ANGCHEI NAI 7:11

Nova i saneng chungvai tariurei saneng, pa-nyh lo kani holai saryhrei khala y, suida pangli tuino bawibawi py am-eaung iy kanitui pa-khochi py am-eaung hai bo.

2 ARENG KEH 7:19

huni tavailu my,” Areng kypkyp my, vaimy kani nai hai teu i malawn py tuna nai ly tym pajau ai ny y leang,” nanai thui nai ne. Huna nai khala Elisa my, “Nang ly hina nai niu i py, cha ai nai ngo y ai,” nanai thui pi.

2 ARENG KEH 7:2

Samrang ai typ nai tavailu leaungrei ly Elisa teng y, “Areng kypkyp my, vaimy kani nai hai teu i malawn py, tuna nai ly tym pajau ai ny y leang!,” napi. Elisa my, “Nang ly hina nai tym nai niu i py, cha ai nai ngo y ai,” nanai pathang.

1 NENG SATANG 26:20

Takhra Levi theaungchily Achura yhm i yhmtheaung katui khaira yhm hawi Tameuh teng talam nai katalamra vawnsaichi khai nai takun puichi ai kry.

NEHEMIA 12:44

Huni neng khala y saneng tleirei amti amjang athai chuluchi hawi, myn man nai thengthaichi horei y harei hawi, takhra talam nai vawnsaichi khaira takunchi kry nai keungchi ai vawi takhra bo. Hini khumichi ly Reita leu pei naira i pany hai nai kamta, pathyp pi nai keungchi hawi Levi theaungchi i vui katalamrachi ai mary katheang kalenchi sahawi i, li hlau tleirei y cheaung ai nai ka-vo sa u.

NEHEMIA 12:47

Zerubabela hawi Nehemia nini i deung y py, Israela cheng bawibawichi ly Achura yhm katyn kapau beu kawp naichi hawi tamcheaung typ nai risachi i vui y, kani tleirei cha nei vawnchi sabawm pi. Khumi mipuichi ly Levi theaungchi teng y katalamra kachaichi talam pi. Levi theaungchi my py pathyp pi nai keungchi teng y avo nai ryrei talam u bo.

NEHEMIA 13:5

cha nei katalamrachi, mui katuichi, Achura yhm i vui ateaung alangchi, pathyp pi nai keungchi i vui katalamrachi hawi Levi theaung Achura yhm katyn kapau beu nai keungchi, Achura yhm tamcheaung typ nai risachi i vui horei y harei talam nai choh, kreip hang hawi olive asituichi khai ai naini teaung nai takun kalen pui ly Tobiah ai teaung ai nai pei pi nai ne.

SAM 37:3

Areng ai ym naimy kahawi so ly pri y chymme naimy awm ba.

SAM 78:23

Na i py mymy ly kani salo mang y leu pei bo; kani katheuchi paeaung ai nai leu pei nai ne.

Parip nai leu 11:3

Dengkeaung keung harei ly mani mang y aheang nai py ne sy, aheang nai meingtymra y naini awm jo ai. Khupanymchi ly kanitui kawi nai khala, kani nai hai reng.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

Ezekiela 44:30

Pathyp pi nai keungchi ly amti amjang chalu hawi keh nai hawi, kai teng y talam nai takhra kapathypra ngireichi amtym u ai. Khumichi ly tako paawp nai tleirei pathyp pi nai keung ai, paawp angchei nai tako talam pi ai nai tla. Huna nai khala kai i amtheaung naira ly nichi i yhmchira y tym ai.

HOSEA 2:21

Huna nai khala kai i khumi Israela chengchi i chiu sa nai tangai pi ai. Kai ly khaileaung salo y kani nai hai nai deaungkho y, khaileaung i dengdairei, choh, kreip athai hawi olive athaichi athai ai.

JOELA 2:19

Mymy ly nichi teng y, “Vai, kai ly nangchi teng y chohpui chomaw, kreip hang hawi olive asitui kang pei ai i, nangchi ly paleung tuinem u ai. Takhra chengchi my py, nangchi ai panui hai y leang bo mang.

JOELA 2:24

Choh atyhra meingtymchi ly chohpui chomawchi hawi kawi meng ai. Thengthai atyhra angawmchi py, kreip hang, olive asituichi hawi lem phraiphreaung na ai.

Levi 26:10

Nangchi i amti amjangchi pasu nai deaungkho y, sanengrei ka-cho aleu nai khyh chang y naimy, choh kangtha pai pateung ai ngai nai deaungkho y, choh kangngymchi aphi ai nai tla ai.

Levi 26:3

“Nangchi ly kai i reitachi hawi kai i leu pei naichi tangai baly,

Levi 27:30

Khaileaung i theu nai amti amjang, ti y baly thengthai horei y harei ly Areng i vui ne.

HAKAI 2:19

Nangchi teng y chohpui chomaw by y bo i, kreip keungchi, thaidu keungchi hawi olive keungchi py athai y leang rai. Na i py kai ly vai i dengdairei, nangchi ai amtheaung naira pei ai,” napi.

Kati Nai 18:21

Areng my, “Israela chengchi my kai teng y talam nai horei y harei katalamra bawibawichi ly Levi theaungchi teng y kai i awmra Tabynako kry pi nai vang ne.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

Leu Thui Nai 12:6

Nangchi ly huni meingtym y leng patlum nai kapathypra hawi takhra kapathypra tawnbawichi, horei y harei hawi katalamrachi, Areng teng y adeu nai katalamrachi, paleung kangai talam naichi, nangchi i si hawi beram cho chaluchi, hunichi ai Areng teng y talam ai nai tla.

Leu Thui Nai 14:22

“Nangchi i li hlauchira i saneng tleirei theu nai amti amjang bawibawi theung i horei y harei khai takhra ai nai tla.

Leu Thui Nai 14:29

Huni teicha teineichi ly Levi theaungchi i vui ne, nichi ly angchei i dengdairei yhmtheaung katui by y. Naibaly nangchi i marychi theung y awm u nai cheng takhrachi, nurochochi hawi lumai neampachychi i vui ne. Nichi ly hunichi theung i ngai nai ryrei la iy cha pajau. Huna nai sa baly nangchi i Areng Tameuh my nangchi sa nai tleirei y amtheaung hai ai.

Leu Thui Nai 28:12

Mymy ly kani katheu paeaung iy kanikhu hawi hai ai i, nangchi i sa nai tleirei eaung hai nai deaungkho y, nangchi ly pri neangneangchi teng y piu paseng ai; na i py nangchi ly mani pri i py piu la ai ny y.