MALAKHI 2:8 - Khumi Common Language Bible

⁸ “Na i py vai ly nangchi pathyp pi nai keungchi ly lam kateng i nai amphri u vui bo. Nangchi i patiu pi nai molam y khumi neangneangchi py, teng y naichi sa u bo. Nangchi ly kai hawi asa nai Leu Maikawm ai taphra u nai ne.

MALAKHI 2:8 ပူးပေါင်းရင်းမြစ်များ

2 ARENG KEH 16:11

Hunaibaly Uriah ly huni kupe ka-tawm khyp maicham harei, samrang Ahaz tym ali teang y rai khala my, pajau pa-rei sa yb nai ne.

NEHEMIA 13:29

Aw Tameuh, huni khumichi ly pathyp pi nai keung kalop py, pathyp pi nai keungchi hawi Levi theaungchi teng y nangmy sa nai leu Maikawm py, mana tahm khai u y na mo, nanai pany ba.

SAM 119:102

Kai ai thui parip nai keung ly nang ne nai deaungkho y, kai ly nang i leu pei naichira i nai hi vui y leang.

SAM 18:21

Kai ly Areng i reita leu tangai bo; kaimy i Tameuh teng i dengdairei hi vui y leang.

LEU KACHENG 12:8

Ami tleaungtha cheng nai khumi ai ly khumi takhrachi my palo ai; tau cheng naira by y nai khumichi ai ly ami my py khen nau ai.

ISAIA 30:11

Kaichi lam i nai aheng u; kaichi i lam paka u moh. Nangchi my chiu iy Israela chengchi i chai parai nai Tameuh satang, kaichi thai ai nai ngai y,” nanai thui u bo.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 9:16

Hini khumichi ai lam patei nai khumichi ly lam kateng patei y i, paleung khrukhra hai reng.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 17:5

Areng my, “Khumi ai py, dei thai nai khumi i haiho ai py, ym iy kai ai nithun thun nai khumi ai py kaimy amsawi lawi hai ai.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

Ezekiela 22:26

Pathyp pi nai keungchi py kai i reita taphra iy, kachai sa nai ai py tahm khai u y bo. Nichi ly chai parai naira hawi chai y naira ai py khai takhra nai by y. Nichi ly chai nai hawi chai y nai takhra nai sai py patiu pi y. Anawn kani ai py dawndan u y. Hunai deaungkho y Israela chengchi ly kai ai tahm khai u y nai ne.

Ezekiela 44:10

Areng my kai teng y, “Mynchi ai chiu nai Israela chengchi hawi vanrei, kai ai hi vui nai Levi khumichi ly kamngo pajeng naira avum u ai.

Ezekiela 44:12

Na i py nichi ly Israela chengchi ai myn chiu naira y lu sa iy kamngo sa hai nai deaungkho y, kamngo pajeng naira avum u ai, nanai sa thai naira angym nai kai, Areng ly vaineng abeu bo.

Ezekiela 44:7

Thau hawi thi ai, kai teng y talam nai thym khala, nichi ly lengkhym takip y nai cheng takhrachi hawi, kai i leu tangai y nai khumichi ai Achura yhm theung y kun ai nai pei iy, kai i Achura yhm chai hai y bo. Hunai deaungkho y kai i khumichi ly mymychi i sa nai amso ngai nai cheaungkhangchi hawimy, kai i Leu Maikawm ai taphra u nai ne.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

Levi 21:15

Hina nai kamta so y lawh baly ni i cho chanau ly chai ai nai avo teu i py, reita y chai y naichi lawm u ai. Kai, Areng ly ni ai Pathyp pi nai Keung Kalen keh y khai takhra nai bo,” napi.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

MALAKHI 1:6

Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MALAKHI 2:5

Kai i Leu Maikawmra y nichi ai heng naira hawi tlamsa ai nai adeu iy, kai ly kaimy ai nichi my tahm khai ai nai hunichi ai pei pi nai ne. Huni neng kanichi tym nai khala nichi ly meitang khyp, kai ai jei kaji naimy tahm khai u ai.

Kati Nai 25:12

Hunai deaungkho y kai ly deungtasarei khaw jojo ai nai Leu Maikawm nichi hawi asa ai, nanai ni teng y thui pi.

Kati Nai 25:13

Ni ly kai ny y baly tameuh takhra ai niu ngai y nai deaungkho y, Israela chengchi i kamngo lawi ai nai sa pi nai molam y, ni hawi ni i kangpreangchi ly pathyp pi nai keung y amtym hai jojo ai,” napi.

ROM AVANGCHI TENG Y PAWLA I CHA PA NAI 14:21

Ngamjo ngamnau atlym ai naira ne lawh baly, mawi cho y ai nai hawi, kreip athai hang nei y ai nai hawi, atiti sai py so y ai nai ly hawi keh nai ne.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

1 SAMUELA 2:17

Eli i chapo nini i hina nai sa nai ly Areng i mo y khri pa-rei kamngo len nai ne; ati mana nai mo nabaly nini ly Areng teng y talam nairachi ai tahm khai y lawh nai deaungkho y ne.

1 SAMUELA 2:24

Deang ni awi, Areng i khumichi thui u nai satang ly pipi hawi y na ly!

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.