MALAKHI 2:6 - Khumi Common Language Bible

⁶ Nichi ly leu kateng thui u; teng y naichi thui u y. Nichi ly kai hawi adyh adawi pa-rei awm u iy, mychi kypkyp ly kateng sa u nai bo y; khumi takhrachi ai py hawi y naira so u y ai nai sabawm bo.

MALAKHI 2:6 ပူးပေါင်းရင်းမြစ်များ

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 6:9

Hini ly Nova i satang ne. Nova ly Sema, Hama, Japheth napi nai chapo leaung thomrei awm. Ni ly kamngo by y iy, huni deung i khumi bawibawichi theung y ni leaungrei naini khumi kahawi ne. Ni ly Tameuh hawi amkawm iy heng bo.

SAM 119:142

Nang i neaung hawi nai ly deungtasarei ne; nang i reita leu ly teng jojo.

SAM 119:151

Na i py aw Areng, nang ly kai i sa hawi y awm bo; nang i leu pei nai ngiereichi ly teng parai nai ne.

SAM 37:30

Khumi kahawi ly tau cheng nai leu katheu reng; ni ly adyh adawi jojo nai ne.

SAM 37:37

Khumi kahawi ai khen cham; leu meitang teaung nai khumi ai khen paryp cham; tlamsa naira nga nai khumi ly katu chanau deung akai nai ne.

LEU KACHENG 5:2

Hunaibaly nang ly mana sa ai mo, nanai lam kateng pany ai. Nang i katheu nai leuchi py, cheng naira napi nai leuchi lawm ai.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MARKA 12:14

Hunaibaly nichi ly tym u i mymy teng y, “Sara awi, nang ly khumi meitang ne, nang ly ami ai py meimai akhen y, nanai kaichi pany: ati mana nai mo nabaly nang ly khumi ami ai py patle takhra lawh y naimy Tameuh i lam y py leu meitang khyp naimy patiu reng. Kaisara teng y akeu pei nai ly pei ngau a pei ngau y a?

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

LUKA 20:21

Nichi my ly mymy teng y, “Sara, nang ly leu meitang khyp naimy thui py thui, patiu py patiu, ami ai py patle takhra lawh y naimy, Tameuh i lam y py leu meitang khyp naimy patiu reng, nanai kaichi pany.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

Leu Thui Nai 33:10

Nichi ly nang i khumichi ai nang i reita patawm ai nai patiu pi ai; Nichi ly nang i maicham tleaung y apathyp u ai.

Leu Thui Nai 33:8

Levi theaung ai patyp iy thui nai ly: “Aw Areng, nang i kangai ly nang ai ka-ym awm nai Levi theaung dengdairei, Urim hawi Thummim saho y nangmy i kangai amteng hai bo; nang ly Massah meingtym y nichi ai ka-ym awm mo, by y mo cham iy, Meriba micheaung y nichi ka-ym awm, nanai pany bo.

Leu Thui Nai 33:9

Naibaly nichi ly mymychi i amhm ampo, amjo amnau, cho chanauchi ai tamen nai tleaung y nang ai tamen keh. Nichi ly nang i leu pei naichi tangai u iy nang i Leu Maikawm ai py kry u bo.

AMTENG HAI NAI 14:5

Naibaly nichi i labeaung y ka-chawi theu nai ly ami py pany vai y; nichi ly cheh ai by y pa-rei lawh veng.

1 SAMUELA 2:12

Eli i chapochi ly khumi kamthu kamleaungchi ne. Nichi ly Areng i leu pei naichi py,