MALAKHI 2:2 - Khumi Common Language Bible

² Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

MALAKHI 2:2 ပူးပေါင်းရင်းမြစ်များ

SAM 69:22

Nichi i cha nei pawichi ly mychi phra ai nai leaungsai lawm hai sy; nichi i sa nai reita pawichi ly mychi atlym ai naira lawm hai sy.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 47:7

Mymy ly samrangnu lawm jo naimy awm ai, nanai athang khai i, hini atitichi dawndan y. Hunichi ati mana tem ai mo, nanai py dawn y.

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

Ezekiela 3:7

Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

HAKAI 1:9

“Nangchi ly amti amjang neangneang pakym achu ai nai nga u ai, nanai athang khai i py, maidenreichy naini nga u khyh nai ne. Yhm y syn u nai khala py, kai ly hunichi ai kang hm pi pan vui bo. Ati mana nai y kai ly hina nai sa mo na baly, nangchi bawibawi ly nangmychi i yhmchi sa nai hawimy, kalop nawi ala iy, kai i Achura yhm ai ly phra seaungkhrang naimy awm hai jo nai deaungkho y ne.

MALAKHI 2:1

Ati cheaungkhang sa thai nai Areng my pathyp pi nai keungchi teng y, “Hini reita leu ly nangchi i vui ne.

MALAKHI 3:9

Pri vereichi malawn py kai ai li-tapawp u nai deaungkho y, nangchi bawibawi ly vaineng lawi u bo.

LUKA 17:18

Leaung takawreichi ly ma y awm mo? Hini cheng takhra khumi leaungrei ny y baly Tameuh ai palo ai nai amipy vawi ali teang y mo kana be,?” napi.

JOSUA 7:19

Josua my ni teng y, “Deang awi, Israela chengchi i Areng Tameuh i mo y meitang khyp thui ba. Nang i sa nai saichi apha y naimy kai teng y thui pi ba,” napi.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

AMTENG HAI NAI 14:7

naibaly mymy ly tao pajeng parai naimy, “Tameuh ai tahm khai ly, mymy ai palo u:ati mana nai mo nabaly mymy i tara chih nai neng tym bo: kani khaileaung hawi pangli hawi, tuinochi py sa nai keung ai ly chiu u,” napi.

AMTENG HAI NAI 16:9

Naibaly khri pa-rei bi nai deaungkho y khumichi ai ly akeaung hai tlau bo; naibaly nichi ly huni patang hai naira peang nai keung Tameuh i amyn thui tamawn iy, mymy ai palo ai nai uikhei nai paleung ngo u y leang.