MALAKHI 2:11 - Khumi Common Language Bible

¹¹ Juda khumichi ly Tameuh hawi mychi i leu adeu nai taphra vui iy, Jerusalem mary hawi Juda pri verei y amso ngai nairachi sa u bo. Nangchi ly Areng i khrei nai Achura yhm ai amneaung hai u. Neampachochi py cheng takhra tameuhchi ai chiu nai neampachychi hawi apom u.

MALAKHI 2:11 ပူးပေါင်းရင်းမြစ်များ

EZARA 10:2

Huna nai khala y Elam nupai theung i Jehiela i chapo Shekaniah my Ezara teng y, “Kaichi ly cheng takhra neampachychi hawi apom iy Tameuh i leu tangai y bo. Na i py Israela chengchi i vui athang khai naira awm rai nai ne.

EZARA 9:12

Nichi nang chawn ai nai molam ly mana khala py sabawm u moh,’ nanai nang i miseaung amochi dengdairei leu pei naichi ai kaichi tangai u y.

SAM 106:28

Naibaly Tameuh i khumichi ly Bala tameuh ai peor meingtym y chiu iy, tameuh kadeichi teng y apathyp nai mawichi cha ai nai amkawm u bo.

JEREMIA 2:3

Aw Israela chengchi awi, nangchi ai kaimy kang peang khyh nai ne. Nangchi ly kaimy peang nai vang teng naichi ne. Kai ly nangchi i tlang tleaung y no patang hai nai khumi bawibawichi ai ka-jeira hawi ngari kamtang tym hai bo. Hini ly kai Areng i thui nai leu ne.”

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 7:10

Nangchi ly kai i ngai y nai kalopchi sa naimy kai i Achura yhm y jeu iy, kai i mo y angdo i, ‘Kaichi ly phrumai by y! Hini amso ngai naichi kasa u pajau bo,’ nanai thui u.

Ezekiela 18:13

Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

Ezekiela 22:11

Nang theung i phyrei khumichi ly ami i aju chanau ai taphra iy phyrei ly mymychi i lengngo ai py, ampo vanrei amhm takhra nai tuicho lengsangchi ai py parawi iy tamang u bo.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

Levi 20:26

Kai ly Areng ne iy chai nai deaungkho y nangchi py chai ai nai tla. Nangchi ly kaimy vawi nai kai i khumichi ne. Kai naini nangchi ai kang peang ai nai, nangchi ai khumi cheng cheaungkhangchi theung i nai kaimy vawi takhra nai bo.

MALAKHI 1:1

Hini leu pei nai ly Israela chengchi teng y thui pi ai nai Malakhi teng y, Areng my pei nai leu ne.

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

TARA CHIH NAI KEUNGCHI 3:6

Nichi ly huni khumichi hawi vuinai ala iy, nichi i tameuhchi ai chiu u bo.