MALAKHI 1:8 - Khumi Common Language Bible

⁸ Nangchi ly mei paju, no nga, ti y baly kheu tleu nai tawnbawichi talam ai nai syn u nai khala, nangchi teng y kamngo by y, nanai apalawn u nai sai a? Hina nai beram hawi sichi ai, samrang i bangtang kalen teng y talam u cham! Ni ly nangchi ai kawn na a? Meimai kahawi py pei na a?” napi.

MALAKHI 1:8 ပူးပေါင်းရင်းမြစ်များ

JOBA 42:8

Si katai beaungjeaung saryhrei hawi, beram katai saryhrei Joba teng y vai, syn pi iy, nangmychi i vui apathyp u. Joba ly nangchi i vui chiu ang sa pi ai; kai ly ni i chiu sa nai tangai pi ai i, nangchi ai kamngo hawi kamlau kang chih y leang. Nangchi ly kai i satang ai Joba kamta, kateng khyp thui u y,” napi.

SAM 20:3

Mymy ly nang i katalamra ngiereichi ai kawn pi iy, leng patlum nai kapathypra bawibawichi ai py kawn pi sy.

JEREMIA 14:10

Areng ly nichi i molam y, “Nichi ly kai teng i nai preang ai nai ngai u; mychi i kheu kan pakym ai nai ngai u y. Hunai deaungkho y kai ly nichi ai kawn y. Nichi i sa tamang naichi kapany pi jo iy, nichi ai kapajeng ai,” napi.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HAKAI 1:1

Pasia pri empara samrang Dari i peang nai pa-nyh saneng, tariu lo, kani harei kani y Areng my amo Hakai teng y pei nai leu ne. Huni leu pei nai ly Juda samrang i bangtang kalen Shealtiel i chapo Zerubabela hawi, pathyp pi nai keung kalen keh Jehizada i chapo Josuachi i vui ne.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MALAKHI 1:7

Nangchi mei aniu y nai sa nai leaungsai ly kai i maicham salo y chai y nai teicha teineichi talam nai deaungkho y ne. Naibaly nangchi my, “Kaichi ly nang ai ati mana tahm khai y nai kasa u lawh mo?” nanai deng u bi bo. Nangchi i tahm khai y nai leaungsai ly kai i maicham ai mei aniu y nai sa nai ne.

Leu Thui Nai 15:21

Na i py huni si hawi beramchi ly kheu tabai nai, mei paju nai, ti y baly takhra no-na ha harei awm lawh baly, hunichi ai nangchi i Areng Tameuh teng y talam ngau y.