MALAKHI 1:6 - Khumi Common Language Bible

⁶ Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MALAKHI 1:6 ပူးပေါင်းရင်းမြစ်များ

SAM 123:2

Miseaung ly my i yhmkeung ai py, miseaungnu ly my i yhmkeungnu ai py, ym nai kamta kaichi ly kaimychi Areng Tameuh teng i pahen naira ngo y ryrei ly nang ai khen angdeang naimy awm jo ai.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

LEU KACHENG 17:6

Cho chanauchi ly ampo i molam y amlyh u reng nai kamta, amsi pajochi py katu chanauchi i molam y amlyh u reng teang.

LEU KACHENG 30:11

Phyrei khumichi ly mychi i ampochi ai pasawi iy, amhmchi ai kahawi so u y.

LEU KACHENG 30:17

Amy i ampo ai panui hai reng nai khumi, amy i amhm ai saneng len nai thym khala tahm khai y nai khumi i ngan ai ly langna teicha lawm hai ai nai avo; ti y baly ni i mei ai o-achi my patiu hai ai nai avo.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 43:23

Nangchi ly leng patlum ai nai beramchi, kai teng y syn u y. Nangchi i kapathyprachi hawi palo nai ly kai ai ny y. Kai ly katalamrachi kang hnei nai molam y, nangchi ai mynji kang tleang hai y leang. Mui katuichi kang hnei nai molam py, nangchi i paleung akawm hai y leang.

ISAIA 45:10

Amy i amhm ampochi teng y, “Ati mana nai kai ai hina nai tapen lawh mo?” nanai thui vam nai khumi awm na a?

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

JEREMIA 23:11

Areng my, Amochi hawi pathyp pi nai keungchi teng y tameuhchi by y leang bo. Achura yhm theung y malawn py, hawi y nairachi sa nai kai ly niu nai ne.

JEREMIA 3:4

“Vai, nang ly kai teng y, ‘Nang ly kai i ampo ne; deaungdichy khala i ka-so kai ai tamen nai ne.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 35:16

Jonada i kangpreangchi ly mychi amsi pajochi i leu tangai u. Nangchi ly kai i leu tangai u y.

Ezekiela 22:26

Pathyp pi nai keungchi py kai i reita taphra iy, kachai sa nai ai py tahm khai u y bo. Nichi ly chai parai naira hawi chai y naira ai py khai takhra nai by y. Nichi ly chai nai hawi chai y nai takhra nai sai py patiu pi y. Anawn kani ai py dawndan u y. Hunai deaungkho y Israela chengchi ly kai ai tahm khai u y nai ne.

HOSEA 12:8

Nichi my, ‘Achi ly nang chawn u bo. Paisa tangka neangneang pateung bo. Ami py achi ai teng y naimy nga nai tangka hawi nang chawn nai ne, nanai neng hai pajau y leang,’ na u.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

MALAKHI 2:1

Ati cheaungkhang sa thai nai Areng my pathyp pi nai keungchi teng y, “Hini reita leu ly nangchi i vui ne.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

MALAKHI 2:8

“Na i py vai ly nangchi pathyp pi nai keungchi ly lam kateng i nai amphri u vui bo. Nangchi i patiu pi nai molam y khumi neangneangchi py, teng y naichi sa u bo. Nangchi ly kai hawi asa nai Leu Maikawm ai taphra u nai ne.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 15:4

Tameuh my, ‘Ngamhm ngampo ai tahm khai:’ naibaly, ‘Ami py mymy i amhm ai mo ampo ai mo pasawi nai ngierei ai ly padei takenkei ai nai tla,’ napi.’

MATTHAI 15:6

Hunaibaly nangchi i tanyn deaungkho y nangchi ly Tameuh i leu pei nai ai ly tama hai nai bo he.

MATTHAI 19:19

Paviu ai nai tlo y, Seu rumrang ai nai tlo y, Ngamhm ngampo ai tahm khai; naibaly, Nangmy ai atmen nai kamta nang i saleaungchi ai tamen ai nai tla,” napi.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

MATTHAI 7:21

“Kai teng y, ‘Areng, Areng,’ ang napi nai bawibawi ly kani pri y kun ai ny y: kani pri mang i Ngaai i kangai sa nai keung naini kun ai khyh.

MARKA 10:19

Leu pei naichi ly nang pany be: khumi ai padei moh, Pajang so moh, Paviu moh, Seu rumrang moh, Tapawp moh, Ngamhm ngampo ai tahm khai, nanaichi ly,” napi.

MARKA 7:10

Mosi my ly, ‘Ngamhm ngampo ai tahm khai,’ napi: naibaly, ‘Ami py amhm ai mo ampo ai mo pasawi nai ngierei ai ly padei takengkei ai nai tla,’ napi bi.

LUKA 10:29

Na i py ni my ly eaung ai nai tau i Isu teng y, “Naibaly kai i saleaung khumi ly ami mo?” napi.

LUKA 18:20

Leu pei naichi ly nang pany be: Pajang sa moh, Khumi ai padei moh, Paviu moh, Seu rumrammoh, Ngamhm ngampo ai tahm khai, nanaichi ly,” napi.

LUKA 6:36

Ngampo ly amichi ai pahen nai kamta, nangchi py pahen u teang.

LUKA 6:46

“Naibaly nangchi ly kai i leu tangai y pui naimy ati mana nai kai ai ‘Areng, Areng,’ napi lawh mo?

EPHESI 6:2

Ngamhm ngampo ai tahm khai, hunaibaly nangchi i vui hawi ai i, khaileaung y py heng sau u ai;

Leu Thui Nai 1:31

ampo my chapo ai teu nai kamta, Areng ly nangchi ai dawmkhawn iy, hini meingtym y tym pa-rei ang pahawi nai bo, nanai nangchi niu u bo,’ napi.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

Leu Thui Nai 5:16

“ ‘Nangchi teng Areng my pei nai pri y nangchi nang chawn iy, heng sau thai ai nai, nangchi i Areng Tameuh my leu pei nai kamta, ngamhm ngampo ai tahm khai u.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;