MALAKHI 1:4 - Khumi Common Language Bible

⁴ Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.

MALAKHI 1:4 ပူးပေါင်းရင်းမြစ်များ

JOBA 12:14

Tameuh my taphra nai ai ly ami my sa palum teang thai ai mo? Tameuh my kawm nai khumi ai ly ami my su pajau ai mo?

JOBA 34:29

Tameuh ly ati sai py ny y naimy awm ai nai dawn lawh teu i py, ami py mymy ai thui tamawn pajau ai ny y. Mymy ly my i meimai hi pi vui lawh ai nabaly, khumichi ly kajeaung kamang lawm u ai.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 127:1

Areng my yhm so pi y baly sa nai keungchi i kalop ly atyhtyh teu; Areng my mary typ pi y baly tamcheaungchi i typ nai py atyhtyh teu.

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

SAM 33:10

Areng ly khumi cheng cheaungkhangchi i dawn nairachi phra hai bo. Nichi i dawn tau naichi ai py, amcheang hai y ai nai paka vui nai ne.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 11:14

Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 34:10

Huni ly kanithun, vum mai angveaung naimy maikhyh theu jojo ai. Huni pri ly khumi cheng vuijeungrei savai tlang ai. Huni pri y mo mang y mana khala py, aleaung ali nai khumi awm ai ny y.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

JEREMIA 31:17

Nang ly mo mang i vui athang khai naira awm; Nang i cho chanauchi ly yhm y vawi u ali teang ai. Hini ly kai, Areng i thui nai leu ne.

JEREMIA 49:20

Hunai deaungkho y Edom chengchi i vui kai i sa yb nai leaungsaichi py, Tamen mary khumichi i vui kaimy paran yb nai leaungsaichi py, tangai u. Paleung ka-echi ly nichi i cho chanauchi ai malawn py, athorei my ryh phraiphro iy hawi vui ai. Hunaibaly nichi ly jei hyn u ai.

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

JEREMIA 49:8

Aw Didan mary i khumichi awi, alengli iy angpreng u jau! Aheu u pawn! Esaw i kangpreangchi ai pajeng ai nai neng tym dudu nai deaungkho y, kai ly nichi ai tamyh ai.

JEREMIA 5:17

Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

TANGAM NAI LEU 3:37

Areng i ngai nai kamta naini, sa nai sai amcheang ai tla.

Ezekiela 11:10

Nangchi ly nangmychi i khujyh y nangchi ai tara kangchih nai deaungkho y my, ‘Pri palara avum nai khumichi ly tavai keung y dei u ai. Huna nai khala kai ly Areng ne, nanai khumi lutengchi my pany u ai.

Ezekiela 25:13

Huna nai y sa thai naira angym nai Areng my, “Kai ly Edom pri ai kapajeng iy khumi hawi tawnbawi awm nai ngiereichi padei pawn ai, nanai thai hai nai ne. Kai ly Teman mary dengdai Dedan mary y khrairei, khumi angso savai tlang nai meingtym lawh hai ai. Khumichi py tavai keung y dei u ai.

Ezekiela 25:14

Kai i khumi Israela chengchi ly kai i jeng y, Edom pri khumichi ai vawitheung tha naimy kai i khri pa-rei kado theu naira avum hai ai. Kai i vawitheung tha nai sai Edom pri khumichi pany u ai,” napi. Hini ly sa thai naira angym nai Areng i leu pei nai ne.

Ezekiela 26:14

Ngo sarachi i paleupy vau nai lengseaung naini awm jo ai. Mana khala py mary palum teang ai nai nga ai ny y, nanai sa thai naira angym nai kai, Areng i pei nai leu ne.”

Ezekiela 35:4

Nang i marychi ai phra seaungkhrang hai iy nang ai khumi angso savai tlang nai meingtym lawm hai ai. Huna nai khala kai ly Areng ne, nanai nangchi pany u ai.”

Ezekiela 35:9

Kai ly nang ai khumi angso savai tlang nai meingtym lawm hai jojo ai. Nang i marychira y ami py awm ali bi ai ny y. Huna nai khala kai ly Areng ne, nanai nang pany ai.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

AMOS 3:15

Kai ly kanipui yhm ka-jeaungchi hawi kaseih neng i yhmchi py taphra pawn ai. Kasai nuh hawi ka-pu sa nai yhmchi py anawi iy, yhm pui ka-jeaung ngiereichi py phra ai,” napi.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

AMOS 6:11

Areng my leu pei nai deaungkho y, yhm katheang kalenchi ly phra seaungkhrang ai.

AMOS 6:2

Kalaneh mary mang y chei iy khen cham. Hu i dengdairei Hamath mary mang py, Philistia pri kath mary mang py chei u. Huni prichi ly Juda hawi Israela prichi tleaung y hawi keh lawh a? Nichi i khu ka-peang ly nangchi i khu ka-peang tleaung y kau lawh sai a?

OBADIA 1:1

Hini Obadia i amo leu ly Edom pri molam y Obadia teng y, sa thai naira angym nai Areng my leu thui pi nai ne. Areng ly khumi cheng cheaungkhangchi teng y, mymy i savai pato. “Angvei u rym! Edom pri y achi tavai tiu u sina,” nanai raawi kaichi thai u bo!

OBADIA 1:10

“Nang ly nangmy i amjo amnauchinapi nai Jakob i katu chanauchi ai lawm iy padei nai deaungkho y, taphra nai avum ai. Deungtasarei kangji nga ai.

MALAKHI 1:3

Esaw hawi ni i katu chanauchi ai ly niu ngai y. Kai ly Esaw i mawi aheung khu ka-peang phra hai iy, kasuichi i vui khai su bo,” nanai pathang.

MATTHAI 12:30

Ami py kai mang y aso hai y nai ly kai ai tiu nai ne; ami py kai ai lo hai achu y nai ly ahei hai nai ne.