MALAKHI 1:14 - Khumi Common Language Bible

¹⁴ Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

MALAKHI 1:14 ပူးပေါင်းရင်းမြစ်များ

ATITI AWM ANGCHEI NAI 27:12

Ngaai my kai ai patham lawh nai khala y, kai i tapawp nai pany baly kai ly amtheaung naira nga ai nai tleaung y ang pasawi lawh ai,” napi.

2 SAMUELA 24:24

Na i py samrang my, “Hina nai ny y leang, vang kang pei ai; kai ly vang pei y naimy nga nai katalamrachi ai, kai i Areng Tameuh teng y talam ai ny y,” napi. Naibaly samrang ly choh ati nai meingtym hawi sichi ai, tangkacho vui pangrei hawi van bo.

SAM 102:16

Areng my Zion mary palum teang nai khala ly mymy i nang parai nai sai amteng hai ai.

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 47:3

Mymy ly achi ai khumi cheng cheaungkhangchi ai pajau hai iy, pri tleireichi ai peang hai bo.

SAM 47:8

Tameuh ly mymy i chai parai nai atehra bailang salo y ateh bo; pri neangneangchi ai peang nai ne.

SAM 48:2

Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

SAM 68:35

Kachai meingtym i dengdairei ang jeu nai, Israela chengchi i Tameuh ly tahm khai naimy jei ai nai hawi parai na! Mymy ly mymy i khumichi ai sa thai naira hawi, ham naira pei nai ne. Tameuh ai ly palo u!

SAM 76:12

Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

SAM 95:3

Areng ly nang parai nai Tameuh ne; tameuhchi bawibawi tleaung y nang parai keh nai samrang ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 48:10

(Areng i kalop ai paleung hawi verei so y nai khumi ly amsawi lawi kalei sy! Mymy i haisau hawi tleh iy padei y nai khumi ly amsawi lawi kalei sy!)

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

DANIELA 9:4

Kai ly kaimy i Areng Tameuh teng y chiu sa iy, kaimy khumichi i kamngochi ahui pi bo. Kaimy, “Aw Areng Tameuh, nang ly nang parai nai ne i, kaichi my nang ai tahm kang pasang u bo. Nang ly nangmy i Leu Maikawm khaw hai iy nangmy ai tamen i, Reita leu pei naichi sa patawm nai khumichi teng y, khaw parai nai tamen naira patei pi nai ne.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 1:8

Nangchi ly mei paju, no nga, ti y baly kheu tleu nai tawnbawichi talam ai nai syn u nai khala, nangchi teng y kamngo by y, nanai apalawn u nai sai a? Hina nai beram hawi sichi ai, samrang i bangtang kalen teng y talam u cham! Ni ly nangchi ai kawn na a? Meimai kahawi py pei na a?” napi.

MALAKHI 2:1

Ati cheaungkhang sa thai nai Areng my pathyp pi nai keungchi teng y, “Hini reita leu ly nangchi i vui ne.

MALAKHI 3:9

Pri vereichi malawn py kai ai li-tapawp u nai deaungkho y, nangchi bawibawi ly vaineng lawi u bo.

MATTHAI 24:51

khri pa-rei chip ajiu piu iy, tapawp nai khumichi i nga ai avo nai kamta nga hai ai; hu y ly vo py vo ai, ho py akachai ai.

MATTHAI 5:35

Khaileaung y tauh iy py abeu u reng moh, huni ly mymy i kheu khai naira ne; Jeursalem y tauh iy py abeu u reng moh, huni ly Nang Parai nai Samrang i avang ne.

MARKA 14:8

Mymy ly ni i pajau nai ryrei sa nai teu; kai i tlang up ai nai rimui kaleu rym nai na a hi ly.

LUKA 12:46

huni miseaung i yhmkeung ly ni i dawn y nai kani y, pany y nai neng khala y ang jeu ai, naibaly khri pa-rei chip ajiu piu iy, khumi ka-ym by y naichi i nga nai kamta nga hai ai.

II KORINTH 8:12

Tau rym naira awm baly ami py by y pui nai ny y naimy, mymy i awm nai kamta kawn ai ataing nai ne.

Leu Thui Nai 28:58

“Nangchi ly hini cha-iu theung y tajiu nai Tameuh i leu pei nai bawibawichi ai paleung hawi verei patawm y i py, nangchi i Areng Tameuh i lyh ai hawi iy ka-jei hawi nai amyn ai tahm khai y i py,

I TIMOTHEI 6:15

Ni ly palo ai ataing nai Aly Peang nai Keung leaungrei awm khyh nai, samrangchi i Samrang, arengchi i Areng ne:

HEBRAI 12:29

ati mana nai mo nabaly achi i Tameuh ly kang hai nai mai ne.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.