MALAKHI 1:13 - Khumi Common Language Bible

¹³ Nangchi my, ‘Hini leaungsaichi sa nai ly kaichi paleih na bo!’ nanai thui u iy, notareang pasui hai iy, kai ai tahm khai u y bo. Nangchi ly nangmychi paviu iy nga nai tawnbawi ai py, kheu tleu nai, ti y baly no nga nai tawnbawi ai py, kai i vui katalamra palawn iy syn u bo. Kai ly hini katalamrachi kawn pi ai, nanai nangchi athang khai u a?

MALAKHI 1:13 ပူးပေါင်းရင်းမြစ်များ

2 SAMUELA 24:24

Na i py samrang my, “Hina nai ny y leang, vang kang pei ai; kai ly vang pei y naimy nga nai katalamrachi ai, kai i Areng Tameuh teng y talam ai ny y,” napi. Naibaly samrang ly choh ati nai meingtym hawi sichi ai, tangkacho vui pangrei hawi van bo.

ISAIA 1:12

Nangchi kai teng y chiu sa ai nai jeu u nai khala y, hunichi syn u ai nai tla, nanai nangchi ai ami my leu pei mo? Ami my nangchi ai kai i Achura yhm mang y tako nai a-i mengmeaung hai lawh mo?

ISAIA 57:6

Hunira i suileng nai lengseaungchi la iy, nangchi i tameuhchi palawn iy chiu u. Nangchi ly kreip hang leih iy huni tameuhchi teng y talam u nai ne. Cha nei kapathypra py talam u bo. Nangchi hina nai sa nai ly kaimy kawn pi ai, nanai nangchi athang khai u a?

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

Ezekiela 4:14

Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.

Ezekiela 44:31

Pathyp pi nai keungchi ly alyly naimy mo, mawi kasi my kei i dei nai tavo mo, ti y baly daichi mawichi mo, cha ai nai tlo y,” napi.

HOSEA 13:9

“Israela khumichi awi, kai ly nangchi ai tamyh vui ai. Nangchi ai ami my sabawm pajau ai mo?

Levi 22:8

Ni ly dei kari y dei nai tawnbawi, ti y baly mawi kasi my kei iy dei nai tawnbawi mawi cha ai nai avo y; huna nai cha lawh baly ni ly chai y bo. Kai ly Areng ne.

Levi 6:4

Hunichi theung i sai sairei sa tamang nai khumi ly pei pi ali teang ai nai tla. Huni ly kamngo tla, nanai apany nai kani y, my i la vui nai tangka bo y yhmkeung teng y chungphy apomrei peh ai nai tla.

AMOS 8:5

Nangchi my thui nai ly “Kaichi ly chohpui chomaw jo ai nai ngai; chai nai kani kheih ai nai malawn py ajeng pajau y na bo. Anawn kani ly mana khala y kheih ai mo? Huni kani kheih baly kaichi ly teng y nai takhu teaung hawi, teng y nai sie khyrychi teaung iy vang palyn nai jo ai.

MIKHA 6:3

Areng my, “Kai i khumichi awi, nangchi ly hina tanrei sa tamang u a? Nangchi i tlang tleaung y kai ati kang sa mo? Kai ai pathang pi u.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MALAKHI 2:12

Areng ly huna nai sa nai khumi ngiereichi ai Israela cheng theung i nai patheu pawn na sy; nichi ai mana khala py achi i cheng lawm ai nai py, ati cheaungkhang sa thai nai Areng teng y katalamrachi talam nai khumi cheng lawm ai nai py pei moh sy.

MALAKHI 2:13

Nangchi i sa nai takhra harei awm rai; nangchi ly nangmychi syn nai katalamrachi ai Areng my kawn pi y nai deaungkho y, vo tangam naimy mymy i maicham ai meikatuira y anum hai bo.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

Leu Thui Nai 15:21

Na i py huni si hawi beramchi ly kheu tabai nai, mei paju nai, ti y baly takhra no-na ha harei awm lawh baly, hunichi ai nangchi i Areng Tameuh teng y talam ngau y.

1 SAMUELA 2:29

Hunai deaungkho y nang ly kai i leu pei nai y talam nai tawnbawi hawi, katalamrachi ai ngai phi nai paleung hawi khen lawh mo? Eli awi, nang ly kai i khumi talam nai tawnbawi ngiereichira i, hawi keh naichi ai ati mana nai nang i chapochi tym pa-rei cha ai nai pei lawh mo? Ati mana nai nichi ai, kai tleaung y tahm pasang lawh mo?