MALAKHI 1:11 - Khumi Common Language Bible

¹¹ Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 1:11 ပူးပေါင်းရင်းမြစ်များ

1 NENG SATANG 16:25

Areng ly nang parai nai ne i, achi ly mymy ai palo ai nai tla; achi ly mymy ai tameuh takhrachi tleaung y tahm khai ai nai tla.

SAM 111:9

Mymy ly mymy i khumichi ai tlamsa naira pei chum baly, nichi hawi deungtasarei Leu Maikawm asa bo. Mymy ly kachai ne iy sa thai naira len parai na a!

SAM 113:3

Kani kasi mang dengdairei, kani kadym mang khrairei Areng i amyn palo u sy!

SAM 138:5

Nichi ly nang i sa nai leaungsaichi ai py, nang i nang parai nai phum-angchi ai py, khulym hawi palo u ai.

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 45:17

Kai i khulym ly nang ai deungtasarei amtheaung hai ai; khumi bawibawichi my py, nang ai ang palo u jojo ai.

SAM 48:10

Meingtym tleirei y khumi bawibawichi ly nang ai palo u; nang i satang ly khaileaung pri verei y amthang nai ne. Nang ly leu meitang naimy peang bo.

SAM 48:11

Zion mary i khumichi ly amo theu u sy! Mymy ly leu meitang naimy tara chih bo; Juda pri mary kalenchira y amo theu naira awm sy!

SAM 50:1

Ati cheaungkhang sa thai nai Tameuh, napi nai Areng my leu pei bo. Mymy ly nisi mang dengdairei nidym mang y tym pa-rei, khaileaung pri verei y palau nai ne.

SAM 65:9

Nang ly kanitui pala pi nai deaungkho y, khaileaung ai kry, nanai pany hai bo; khaileaung ai khaileaung kathau kawi hai na bo. Nang ly tavo micheaungchi ai tui kawi hai; khaileaung y amti amjangchi thawn hai bo. Nang i sa nai saichi ly hina nai kamta ne;

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

SAM 96:8

Areng i amyn nang parai nai ai ly palo u; katalamrachi syn naimy, mymy i Achura yhm theung y kun u.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 12:5

Mymy i sa nai nang parai naichi molam y, Areng nang parai nai ai palo u. Khaileaung pri i khumi bawibawichi teng y, huni satang thui pi u.

ISAIA 19:21

Areng ly mymy ai Aikupta chengchi my pany ai nai sa ai. Huna nai khala y nichi ly mymy ai pany iy chiu u ai. Mymy teng y tawnbawi hawi kapathyprachi syn u ai. Nichi ly mymy i mo y leu meitang adeu iy, huni leu meitang adeu nai kamta sa u ai.

ISAIA 30:27

Areng i sa thai naira hawi nang parai naira ai kamlo mang my niu pajau nai ne. Mai kangvang hawi maikhyhchi ly mymy i kado theu nai sai patei pi bo. Mymy leu pei nai khala y labeaung mang theu nai leuchi ly mai kamta kang hai bo.

ISAIA 45:6

Kai, hina nai sa nai ly kai ly Areng ne iy, kai ny y baly tameuh takhra by y, nanai khaileaung katem i dengdai takhra katem y khrairei, awm nai khumi ngiereichi ai pany hai nai ne.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

DANIELA 2:45

Mawi i nai lengseaung pui harei ly alyly naimy amli iy tamo, kheupaja, laikan, muku, tangka hawi sa nai myn pui y amli hai nai ly nang niu nai ne. Nang parai nai Tameuh ly nang ai mo mang y tym ai nai saichi pany hai nai ne. Kai ly nang i niu nai kamta amang kang thui pi khyp iy, amang i awm nai sai py, nang ai pany hai pi chum bo,” napi.

AMOS 9:12

Hunai deaungkho y Israela chengchi ly awm jo rai nai Edom pri ai py, vaichi khala y kaimy peang nai pri tleirei ai py, peang ali teang ai nai nga ai,” nanai tym hai ai nai Areng my ang thui pi bo.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

ZEPHANIAH 3:9

Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.

ZEKHARIAH 8:7

Kai ly kaimy i khumichi teng y, nichi tym naira tleirei y atleu i,

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

LUKA 1:10

Naibaly rimui patawi nai neng khala y khumi mipuichi bawibawi ly angam mang y chiu sa u.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

II THESALONIKA 1:12

Hunaibaly achi i Tameuh hawi Areng Isu Krista i pahenra kamta, achi i Areng Isu i amyn ly nangmychi y palo nai awm thai ai i, nangchi py mymy y ly palo nai awm thai ai.

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.