LUKA 7:13 - Khumi Common Language Bible

¹³ Naibaly Areng ly neampachy lumai ai niu baly khrikhri pa-rei pahen i, “Vo reng moh,” napi.

LUKA 7:13 ပူးပေါင်းရင်းမြစ်များ

SAM 103:13

Ampo ly chanauchi ai pahen nai kamta, Areng ly mymy ai jei naimy tahm khai naichi ai pahen nai ne.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

MARKA 8:2

“Khumi mipuichi ly vai kai teng y kani thomrei awm i, nichi ly cha ai nai ati sai py by y nai deaungkho y kai ly nichi ai khri pa-rei pahen na;

LUKA 10:1

Naibaly huni pajau khala y Areng my khumi takhra leaung vui saryhreichi ai vawi i, mymy i chei ai tau nai avang tleirei hawi, meingtym tleirei y mymy i mo mang y leaung nyh leaung nyhrei ai pato.

LUKA 11:1

Naibaly hina nai awm, mymy ly mani meingtym y mo chiu sa i, chiu sa pajau kha y abangnaichi theung y leaungrei my ni teng y, “Areng, Johan i mymy teng y abangnaichi ai chiu sa nai reita patiu nai kamta, kaichi ai py patiu teang kyh,” napi.

LUKA 11:39

Naibaly Areng my ni teng y, “Nangchi Pharisaichi ly khau hawi saibi ly salo mang paju veng; na i py nangchi i paleung y ly cha parawp ai nai hawi, kamngo nai kawi veng.

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

LUKA 13:15

Na i py Areng my ly ni teng y, “Tapawp naichi awi, Anawn Kani y amy i sira mo keaungngo kano kasau mo teicha cha naira i nai su iy, tui nei ai nai pahawi u bawi vai y a?

LUKA 17:5

Naibaly amtaw thau naichi ly Areng teng y, “Kaichi i ym naira pei panawi khyh ba,” napi.

LUKA 17:6

Naibaly Areng my ly, “Nangchi i ym naira anmawi hm amairei ka-tawm awm baly, sukamin dengkeaung teng y ly, ‘Nangmy akyn ryp ly, pangli y a-ui vui,’ nanai nangchi my napi ai i, nangchi i leu tangai ryp ai.

LUKA 18:6

Naibaly Areng my ly, “Tara chih nai keung hawi y nai i leu thui nai ly pany u.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

LUKA 22:61

Naibaly Areng ly amhi iy Petera ai khen. Naibaly Areng my ni teng y, “Vaini ly a kheaung y rai kha y nangmy kai ai tlen thomrei apha ai,” napi nai leu ly Petera my adawn vau ryp bo.

LUKA 24:3

Naibaly hina nai ne, nichi ly huna nai y dawn tamang tyh nai thym khala y ly khen cham,

LUKA 24:34

“Areng ly angthau bi khypkhyp bo; Simon teng y py amteng bo,” napi nai arum achu nai niu.

LUKA 7:12

Naibaly avang apai katheu ahawi y tym kha y khen cham, khumi kadei ai angjeaung nai theu, amhm i chapo leaungrei awm khyh nai ne, mymy ly neampachy lumai ne: naibaly avang i khumi neangneangchi ly mymy teng y awm teang.

LUKA 7:14

Naibaly mymy ly ahawi y chei iy tlang y nam; hunaibaly angjeaung nai khumichi ly angdo i mymy ly, “Deang awi, angthau jau kang napi,” napi.

LUKA 7:19

Hunaibaly Johan ly mymy teng y abangnai leaung nyhrei ai palau iy Areng teng y pato i, “Jeu ai nai keung ly nang ne a, kaichi ly khumi takhra ai ajeng ai a?” nanai thui.

LUKA 8:52

Naibaly khumichi bawibawi ly vo ryry nai paleung y atum ryry; hunaibaly ni my ly, “Vo u moh, mymy ly dei y leang, i ngym nai teu,” napi.

JOHAN 11:2

Huni ly Areng ai rimui thi iy mymy i sam hawi Isu i kheu tamui pi nai Mari ne. No nai khumi Lazara ly mymy i ampro ne.

JOHAN 11:3

Naibaly mymy i thuicho nini my Isu teng y, “Areng khen cham, nang i tamen nai ly no bo,” nanai leu taviu.

JOHAN 20:13

Naibaly nini my ly ni teng y, “Lo awi, ati mana nai vo mo?” napi. Mymy ly nini teng y, “Kai i Areng ai nichi my la vui i khai naira kapany y nai deaungkho y teu,” napi.

JOHAN 20:15

Isu my ni teng y, “Lo awi, ati mana nai vo mo? Ami ai hau mo?” napi. Ni ly mymy ai akho kry nai keung palawn i ni teng y, “Areng, nang ly mymy ai hi i nai la vui bo nabaly nang i khai naira kai ai thui pi kyh, hunaibaly kaimy ni ai la vui ai,” napi.

JOHAN 4:1

Naibaly Isu ly Johan tleaung y abangnai nawi keh naichi nga nai hawi, baptis sa nai py Pharisaichi my thai, nanai Areng my pany baly,

JOHAN 6:23

Na i py Areng ly kawn nai leu thui nai bo y nichi i tako cha nai meingtym ahawi y ly Tiberi avang i dengdairei paleaung chy tym reng.

I KORINTH 7:30

vo naichi ly vo y nai kamta awm u sy, kawn naichi ly kawn y nai kamta awm u sy, van naichi ly vawnsai by y nai kamta awm u sy,

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.