LUKA 6:7 - Khumi Common Language Bible

⁷ Naibaly Reita patiu nai keungchi hawi, Phreisaichi py ni ai seu ai naira nga thai ai nai Anawn kani y hawi sa ai mo so y ai mo, nanai khen u paryp.

LUKA 6:7 ပူးပေါင်းရင်းမြစ်များ

SAM 38:12

Kai ai padei ai ngai naichi ly deaungchi pateung u bo. Kai ai patang hai ai ngai naichi ly ang pajei u nai ne. Nichi ly kai ai padei ai nai avawrei patym u bo.

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

MATTHAI 5:39

Na i py kai ly kang thui pi, khumi kamngo ai ei u reng moh; ami py nang i lamtang mang i tangbeng y ang tabeang nai ngierei ai ly makengrei mang py amteng tlam.

MARKA 3:2

Naibaly nichi ly mymy ai seu u thai ai nai Anawn Kani y hawi sa pi ai mo, so pi y ai mo nanai khen u paryp.

LUKA 13:14

Naibaly Isu my Anawn Kani y khumi ai hawi sa nai deaungkho y achura yhm i lu ly kado theu i, mipuichi ai preng iy mychi teng y, “Khumichi ly kalop sa ai nai kani tariurei awm na a; hunai sala y ly jeu ly, hawi aso u. Anawm Kani y jeu u moh,” napi.

LUKA 20:20

Naibaly mymy ai ly aripeng i tara chih naira y hawi, aly peang naira y au thai ai nai, mymy i leu thui tamang naira amo jo ai nai, khen paryp nai khumi, khumi kahawi kamta awm hyp veng naichi ai py pato.

JOHAN 9:16

Hunaibaly Pharisai phyreichi my ly, “Huni khumi ly Anawn Kani ja y nai deeaungkho y Tameuh teng i theu nai ny y leang,” napi. Na i py phyreichi my ly, “Khumi kamngo my ly hina nai rengrang sa nai ly mana sa thai mo?” napi. Naibaly amprei u i amkawm u takhra bo.