LUKA 6:30 - Khumi Common Language Bible

³⁰ Hnei nai keung ngiereichi teng y pei u ly; naibaly nangchi i yhmtheaung ang la pi nai keung teng y ly hnei u ali moh.

LUKA 6:30 ပူးပေါင်းရင်းမြစ်များ

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

LEU KACHENG 21:26

Ni ly mymy i ngai naichi ai, kani khengrei adawn lyhlyh nai ne. Na i py khumi kahawi ly pei talam pajau nai deaungkho y, paawp y naimy pei reng.

LEU KACHENG 22:9

Pasai y nai paleung hawi khumi kamawnchi ai pacho panei nai khumi ly amtheaung naira nga ai.

Parip nai leu 11:2

Nang i rang pala nai ly meingtym neangneangra y palo ba; ati mana nai mo nabaly, nang ly hini khaileaung pri y mana khala khym taham kasi hawi avum na mo, nanai pany pajau y nai deaungkho y ne.

Parip nai leu 8:16

Kai ly hini khaileaung pri y awm nai leaungsaichi pany ai nai atho kasa iy nga nai ly nang ly vum kanithun, i y naimy atho sa teu i py,

MATTHAI 18:35

Nangchi leaung leaungrei ly nangchi i paleung y ngamjo ngamnauchi ai hawihai palai pahen y baly kani pri mang i Ngaai my py nangchi i tlang tleaung y hunai kamta ang sa teang ai,” napi.

MATTHAI 5:39

Na i py kai ly kang thui pi, khumi kamngo ai ei u reng moh; ami py nang i lamtang mang i tangbeng y ang tabeang nai ngierei ai ly makengrei mang py amteng tlam.

MATTHAI 6:12

Kaichi i tlang tleaung y hawi y sa naichi ai ly kaichi my pahen nai kamta, Kaichi i kamngo py pahen kyh ba.

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

LUKA 12:33

Nangchi i awm nai ngierei jo u ly, khumi ngarichi teng y pei u; kani pri mang y kangviuchi tym y naira y, thaikem my cho y naira y, tangka yh tangym thai y nai hawi, yhmtheaung tamo pajau y nai py so u.

LUKA 18:22

Naibaly Isu my huna nai ly pany i ni teng y, “Nang ly lamrei takhawi rai; nang i awm nai ngierei jo ly, kamawnchi teng y paji, hunaibaly nang kani pri y yhmtheaung nga ai; naibaly jeu ly, kai tng y abang,” napi.

LUKA 6:29

Tangbeng makengrei mang y tabeang nai keung ai ly makengrei mang py amteng tlam; naibaly nang i kanih ang la pi nai keung ai ly nang i baichu py la ai nai paka moh.

LUKA 6:31

Naibaly amichi my nangchi i tlang tleaung y so pi khyly nanai ngai nai ngierei ly, mychi i tlang tleaung y py so pi teang.

LUKA 6:38

pei u, hunaibaly nangchi ai pei ai, hawihai palai my ne nai, nop a iy, tahyn a iy, lem phra phreang naimy nangchi i phai tleaung y ang pei ai. Nangchi i ne nai kamta ang ne pi ali teang ai,” napi.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.