LUKA 6:29 - Khumi Common Language Bible

²⁹ Tangbeng makengrei mang y tabeang nai keung ai ly makengrei mang py amteng tlam; naibaly nang i kanih ang la pi nai keung ai ly nang i baichu py la ai nai paka moh.

LUKA 6:29 ပူးပေါင်းရင်းမြစ်များ

2 SAMUELA 19:30

Mephiboseth my py, “Huni bawibawichi ly Ziba amtym na sy. Samrang nang, hawihai palai tym teang nai my py, kai i vui ly paleung tuinem bo,” napi.

2 NENG SATANG 18:23

Huna nai khala amo Zedekiah ly Mikaia sahawi y athui iy, tangbeng y tabeang naimy, “Areng i phailo ly nang teng leu pei ai nai mani neng y, kai teng i nai theu mo?,” nanai deng.

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

TANGAM NAI LEU 3:30

Ang pakhau nai hawi khumi aniu y nai avum teu i py, pany thai iy kham tanga ai nai avo.

MIKHA 5:1

Jerusalem mary i khumichi awi, nangchi i tavaimichi ai kachu u! Kaichi ai paleung ka-echi my katanmeuh bo. Nichi ly Israela chengchi i lu sa naichi ai tamyh pawn ai nai atho sa u bo!

MATTHAI 26:67

Naibaly mymy i meimai y pachi pathawi u iy tapheu bo; phyreichi my ly,

LUKA 22:64

Naibaly mymy i mei y ly bam iy, “Nang ai ami my pakhau mo? Thuipi!” nanai deng u lawh.

LUKA 6:30

Hnei nai keung ngiereichi teng y pei u ly; naibaly nangchi i yhmtheaung ang la pi nai keung teng y ly hnei u ali moh.

JOHAN 18:22

Huna nai thui pajau baly ahawi i angdo nai miseaung lu leaungrei my ly Isu ai tabeang i, “Pathyp pi nai keung kalen keh ai hina nai kamta pathang lawh a?” napi.

AMTAW 23:2

Naibaly pathyp pi nai keung kalen keh Anania my ly ni i ahawi y angdo naichi teng y ly ni i labeaung y tabeang pi ai nai leu pei.

I KORINTH 4:11

Vai khrairei kaichi ly biu py alam, tui py ahai, ateaung py ateaung pajau y, khumi i nui chamum chami tabeang peung pang nai py ne; awmra py ma pany y;

I KORINTH 6:7

Ne, hini nangchi i hawi naira patawm u angym y naira harei ne ryp bo, nangchi tengtawi aseu nai ly! Ati mana nai teng y parai nai sa naira y ly kham u y lawh mo? Ati mana nai tapawp naira y ly kham u y lawh mo?

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.