LUKA 5:29 - Khumi Common Language Bible

²⁹ Naibaly Levi ly yhm y Isu i vui pawi len parai nai sa; hunaibaly akeu cheaung nai keung neangneangchi hawi, khumi takhrachi py nichi hawi biu vanrei o u.

LUKA 5:29 ပူးပေါင်းရင်းမြစ်များ

MATTHAI 11:19

Khumi i Chapo ly ang jeu iy cha py cha, nei py nei i, ‘Khen cham, biu ha nai khumi, kreip athai hang ha nai khumi, akeu cheaung nai keungchi hawi khumi kamngochi i ahawi ho!” napi u lawh. Ne mang ly cheng naira ly mymy i atiti sa naira y eaung bo mang,” napi.

MATTHAI 5:46

Nangchi ai tamen nai keungchi ai harei tamen u khyh baly, kawn nai vang ati nga u ai mo? Akeu cheaung nai keungchi py hunai kamta so teang y a?

MATTHAI 9:10

Naibaly hina nai ne, mymy ly yhm y biu o nai thym khala y khen cham, akeu cheaung nai keungchi hawi khumi kamngo neangneangchi py chei i Isu hawi abangnaichi ai biu o hai mang teang.

MATTHAI 9:9

Naibaly Isu ly hu i dengdairei tako veangveang i khumi leaungrei, amyn ly Matthai ai akeu cheaung nai meingtym y ateh nai niu: naibaly mymy ly ni teng y, “Kai teng y abang,” napi. Naibaly ni ly angthau i abang bo.

MARKA 2:15

Naibaly hina nai ne, mymy ly ni i yhm y biu o i, akeu cheaung nai keungchi hawi, khumi kamngo neangneangchi py Isu hawi ni teng y abangnaichi ai biu o hai mang teang: nichi ly khri pa-rei nawi na: nichi ly mymy teng y py abang teang.

LUKA 15:1

Naibaly akeu cheaung nai khumichi hawi, khumi kamngo bawibawichi ly ni i leu tangai ai nai mymy ahawi y tapai.

JOHAN 12:2

Naibaly hu y nichi ly dym mang y mymy i vui pawi sa; Martha ly biu an amsi, Lazara ly biu o hai nai keung leaungrei ne.

I KORINTH 10:27

Ym y naichi theung i leaungrei my ang chi iy nangchi lyp ai nai ngai baly, paleung y hawi nai hawi y nai pany naira awm nai deaungkho y ang pawi pi nai ngierei ly deng kalei y naimy cho u.