LUKA 24:27 - Khumi Common Language Bible

²⁷ Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 24:27 ပူးပေါင်းရင်းမြစ်များ

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

ATITI AWM ANGCHEI NAI 22:18

Nang ly kai i leu tangai nai saho y, nang i kangpreangchi ai amtheaung hai nai kamta, khaileaung pri y awm nai khumi cheng cheaungkhangchi my py, amtheaung naira nga ai nai kai teng y takeng u ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

SAM 132:11

Nangmy, “Kai ly nang i chapo leaung leaungrei ai samrangra y kapalyn ai; ni ly nang i meingtym amtym ai; nang i chapochi ly kai i Leu Maikawm ai kry iy, kai i leu pei naichi tangai u lawh baly, ni i chapochi py nang i meingtym amtym ai.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

ISAIA 9:1

Hina nai ngari kamtang tym nai neng ly nichi law tleaung ai nai lam awm ai ny y. Mrethe pangli dengdairei nisi mang y tako baly Jordan tavo vai hawi, Kalili pri khrairei tym nai, Zebulon hawi Naphtali cheng theaungchi i khu ka-peang napi nai cheng takhrachi awm nai meingtym ly vaichi khala tahm by y i py, mo mang y ly tahm awm ai.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

MIKHA 5:6

Nichi ly tavai ateaung atho hawi Nimroda pri Asuriachi ai tiu iy eaung ai. Asuria chengchi my kaichi i khu ka-peang theung y tiu nai khala y, huni luchi ly kaichi ai paleung ka-e kiu i nai atleu ai.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

Kati Nai 21:14

Naibaly Areng i tavai tiu nai cha-iu theung y tajiu nai ly “Supha khu theung y sa nai Vaheb mary hawi leaunghawichi, Arnon tavo hawi,

MARKA 4:34

naibaly mymy ly pata nai leu ny y baly nichi teng y leu thui vai y; na i py mymy teng y abangnaichi kypkyp teng y ati cheaungkhang thui pi pachai jyh veng.

LUKA 24:25

Naibaly ni my ly nini teng y, “Khumi cheng y naichi awi! Amochi i leu thui nai bawibawi ym naira y kapawpchi awi!

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 12:41

Isaia my ni i nang parai nai sai niu nai deaungkho y hunai kamta thui, mymy ly ni i satang py pany hai.

JOHAN 5:37

Kai ai pato nai keung Ampo my py kai i satang pany hai teang. Nangchi ly mana khala y py ni i raawi py thai vai y, ni i mo py niu vai y.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 3:18

Na i py Tameuh my amo bawibawichi i labeaung y mymy i Krista ly atiti ngari patang ai nai satang thai hai yb nai ly ang tym hai nai bo he.

AMTAW 3:22

Ne, Mosi my py thui i, ‘Areng Tameuh my nangchi i amjo amnauchi theung i nai kai kamta amo leaungrei ai ang theu hai ai mang, ni my ly leu bawibawi nangchi teng y ang thui pi nai ngierei ly nangchi my tangai ai nai tla.

AMTAW 3:24

Ne, Samuela awm nai dengdairei amo bawibawichi, kangkhym i chi my py leu thui pi nai bawibawi ly vai i satang thui pi rym teang.

AMTAW 7:37

“Huni Mosi kypkyp ly Israela kangpreangchi teng y, ‘Tameuh my nangchi i amjo amnauchi theung i nai kai kamta amo leaungrei ai ang theu hai ai,’ napi nai keung ne.

AMTAW 8:35

Naibaly Philipa my ly thui i, huni Tameuh cha-iu i leu pakeung i dengdairei amteaung iy mymy teng y Isu i satang thui pi.

Leu Thui Nai 1:45

Hunai deaungkho y nangchi ly Areng i sabawmra nga ai nai, vo naimy hnei takeng u bo; na i py mymy ly nangchi i hnei nai raawi tangai pi y i, bawi lo pi y leang.

Leu Thui Nai 18:15

Areng ly nangchi cheng theaung theung i, kaimy ka-tawm amo leaungrei pato pi ai i, ni i leu phai tangai u.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.