37 “Nang ly Judachi i Samrang ne khyp baly apalawi bei,” napi.
“Mymy ly khumi takhrachi ai palawi iy, amy ai ly aplawi thai y pui nai. Ni ly Israelachi i samrang chy bo; vai kraws tleaung i nai satlo sy, hunaibaly achi ly mymy ai ym ai.
Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.
Naibaly “Judachi i samrang ne,” nanai mymy ai seu nai cha tajiu nai ly salo mang y awm.
Naibaly khumi kamngo tahen nai leaungrei my ly, “Nang ly Krista ny y a? Apalawi ly, kaini ai py palawi bei,” nanai ni ai panui hai.