LUKA 23:35 - Khumi Common Language Bible

³⁵ Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.

LUKA 23:35 ပူးပေါင်းရင်းမြစ်များ

SAM 22:17

Kai i hiu bawibawi ly amteng seaungkhrang na. Paleung ka-echi ly kai ai amo theu naimy khen u ripati bo.

SAM 35:15

Na i py kai patang nai neng khala y, nichi bawibawi ly amo theu u i, kai ai panui hai ai nai jeu u achu bo. Kai pany y nai khumichi ly kai ai ang pakhau u; anawn y naimy pakhau u bo.

SAM 4:2

Khumichi awi, nangchi ly kai ai mana tanrei mei angai u y ai mo? Nangchi ly ati sai py ny y nai ai manatanrei ngai u iy, teng y nai mang y abang u ai a?

SAM 69:26

Huni khumichi ly nangmy pajeng nai khumichi ai ana u bo; nang ly tamo kalem nga hai nai khumichi i avum nai patang nai satang thui u bo.

SAM 71:11

“Ni i Tameuh ly ni ai khai su bo; ni ai atleu ai nai khumi leaungrei py by y nai deaungkho y, ni ai patiu u sina,” nanai thui u bo.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

TANGAM NAI LEU 3:14

Khumichi ly kani khengrei, kai ai ang panui hai; kai ly khumichi i vui amnui tabu kalawn lawh bo.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MATTHAI 12:18

“Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

LUKA 23:13

Naibaly Pilata ly pathyp pi nai keung kalenchi hawi, miteaung kehchi hawi, khumi bawibawichi ai palau achu i nichi teng y,

LUKA 23:39

Naibaly khumi kamngo tahen nai leaungrei my ly, “Nang ly Krista ny y a? Apalawi ly, kaini ai py palawi bei,” nanai ni ai panui hai.

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne: