LUKA 22:66 - Khumi Common Language Bible

⁶⁶ Naibaly khutawi bo nabaly mipuichi i miteaung kehchi, pathyp pi nai keung kalenchi hawi Reita patiu nai keungchi py achu; naibaly mymy ai nichi i tara chih nai keungchi teng y pahawi i,

LUKA 22:66 ပူးပေါင်းရင်းမြစ်များ

MATTHAI 27:1

Naibaly khawn mang y ly pathyp pi nai keung kalenchi hawi khumi hum miteaung kehchi bawibawi ly Isu ai padei ai nai sai arum u bo;

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MARKA 15:1

Naibaly khawn mang y ly pathyp pi nai keung kalenchi hawi, miteaung kehchi hawi, Reita patiu nai keungchi hawi, tara chih nai keungchi bawibawi py arum u i, Isu ai kawm iy pahawi i Pilata teng y au praw ryp.

JOHAN 18:28

Hunaibaly nichi ly Isu ai Kaiapha i yhm dengdairei samrang i yhm y pahawi; naibaly khutawi tarum taro bo; naibaly nichi ly chai y nai lawn y iy, katlen vui nai pawi biu cha thai ai nai samrang i yhm y kun y leang.

AMTAW 22:5

Pathyp pi nai keung kalen keh hawi miteaung kehchi bawibawi my py huni leu ly ang pany hai pajau mang: mymychi teng i dengdairei py amjo amnauchi ai pei ai nai vui cha kanga iy, Damaska avang y awm nai ngiereichi ai kapajeng hai ai nai kawm i, Jerusalem y pahawi ai nai kachei nai ly.