LUKA 22:42 - Khumi Common Language Bible

⁴² kheukhu di iy chiu sa i, “Ngaai, nangmy avo nabaly hini khau ly kai teng i nai tasyh pi kyh ba; na i py kaimy ngaingai ny y naimy, nangmy ngaingai phai ne sy,” napi.

LUKA 22:42 ပူးပေါင်းရင်းမြစ်များ

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

MATTHAI 11:26

Ne, Ngaai awi! Hunai kamta sa ai nai nang ly hawi, nanai pany.

MATTHAI 20:22

Isu my ly, “Nangni i hnei nai ly nangni ly pany y. Kai i khau nei ai nai ly nangni nei hawi thai a?” napi nai pathang. Nini my ly mymy teng y, “nei thai chy,” napi.

MATTHAI 26:39

Naibaly mymy ly maidenrei mo mang y chei kyh i ambeu iy, “Aw Ngaai awi, pajau baly hini khau ly kai ai katlen hai kyh sy; na i py kaimy ngaingai ny y naimy, nangmy ngaingai phai ne sy,” nanai chiu sa bo.

MATTHAI 26:42

Naibaly pa-nyh chei bi i chiu sa bi iy, “Aw Ngaai awi, hini ly kai nei y nai awm pajau y baly nangmy ngaingai ne sy,” napi.

MATTHAI 26:44

Naibaly nichi teng i nai chei vui bi iy pa-thom chiu sa bi i, mymy i thui angchei nai kamta thui bi bo.

MATTHAI 6:10

Nangmy i peang nai tym sy, Nangmy kangai kani pri y sa nai kamta Khaileaung prichi py so u teang sy.

MARKA 14:36

Naibaly mymy ly, “Abba, Ngaai nang ly ati cheaungkhang sa thai; hini khau ly kai teng i nai tasyh pi kyh ba; na i py kaimy ngaingai ny y naimy, nangmy ngaingai phai ne sy,” napi.

LUKA 23:34

Naibaly Isu ly, “Ngaai nichi ai ly pahen ba, nichi i atiti sa nai ly pany y nai teu,” napi. Naibaly ni i ateaungchi ly amji ai nai tambe va.

JOHAN 18:11

Naibaly Isu my Petera teng y, “Haisau ly keu y pacheang ba; Ampo my kai ai pei nai khau ly kai nei y ai a?” napi.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.

JOHAN 5:30

“Kaimy tlairei ly ati sai py kaso thai y leang; kai i thai nai kamta ly tara kachih khyh; kai ly kaimy i kangai hau y naimy kai ai pato nai keung i kangai kahau nai deaungkho y kai i tara chih nai ly teng parai mang.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

AMTAW 21:14

Naibaly pipi parawi pajau ai ny y nai bo y, kaichi ly Areng mymy ngaingai ne sy, nanai anawn bo.