LUKA 22:32 - Khumi Common Language Bible

³² na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

LUKA 22:32 ပူးပေါင်းရင်းမြစ်များ

MATTHAI 18:3

“Meitang khyp kang thui pi, nangchi ly adawn ali teang iy deaungdi chychi kamta lawn y baly kani pri y kun u ai nai ly aveng.

MATTHAI 26:75

Naibaly Petera ly Isu my, “A kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly theu i khri pa-rei vo ryry.

MARKA 14:72

Naibaly a kheaung pa-nyh kheaung praw ryp. Hunaibaly Petera ly Isu my ni teng y, “A tlen nyhrei kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly huni satang dawn baly vo ryry.

MARKA 16:7

Na i py tako u ly, abangnaichi ai hawi Petera teng y py, ‘kalili pri y nangchi i mo y ang tako bo; nangchi teng y thui pi nai kamta khyp my nangchi ly hu y mymy ai niu ai mang,’ nanai thui pi,” napi.

LUKA 8:13

Naibaly thaithi tleaung y tla nai ly hinichi he: nichi ly leu thai baly kawn prai naimy tangai ryp; na i py tangjyn den py ngo y i tanarei chy ym iy parawi nai neng tym khala ly anawn ali veng ryp.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

II TIMOTHEI 2:18

nini ly “Angthau bi nai ly vai py ne palai veng bo,” na hawi iy, leu meitang lam ai ly tako hawi akawi veng i, phyreichi i ym naira ai ly atlym hai bo.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I PETERA 1:1

Petera, Isu Krista i amtaw thau nai my ly, Ponto pri y hawi, Kalatia pri y hawi, kapadokia pri y hawi, Asia pri y hawi,

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.