Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.
Nang i vui neng kamki ly nangmy pany khyp pajau y leang; deaung y man nai tavochi kamta mo, paleupy y man nai ngochi kamta mo, achi ly taham si nai neng khala ly pany y naimy deaung y man reng nai ne.
Naibaly nichi my ly ni teng y, “Areng ma mang y mo?” nanai pathang. Naibaly mymy ly nichi teng y, “Mawi veu awm naira tleirei y langnachi py tym achu ai,” napi.
“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.
“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.
(Khen cham, kangviu kamta kang jeu ai: atyp iy mymy i kanih kry nai khumi ly taham hawi, ti y baly ni y tlang ka-keu pavai iy angji ngailai nai sai ang niu lawh na.)