LUKA 21:19 - Khumi Common Language Bible

¹⁹ Nangchi i kham pajau naira my ly nangchi i hengra ai ly lawi hai ai.

LUKA 21:19 ပူးပေါင်းရင်းမြစ်များ

SAM 37:7

Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 24:13

Na i py tem khala y khrairei kham pajau nai ngierei ly huni khumi kypkyp ly hengra nga ai.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

ROM AVANGCHI TENG Y PAWLA I CHA PA NAI 5:3

Naibaly huni khyh ny y naimy, achi i patang naira y py kawn u sina, patang naira my ly kham pajau naira sa;

ROM AVANGCHI TENG Y PAWLA I CHA PA NAI 5:4

kham pajau naira my ly awm nai sai kakhaw sa, awm nai sai kakhaw my ly athang khai naira sa, nanai achi pany;

ROM AVANGCHI TENG Y PAWLA I CHA PA NAI 8:25

Achi ly amychi i niu thai y nai nga ai nai athang khai baly, achi ly huni ai ajeng tanga.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

II THESALONIKA 3:5

Naibaly Areng ly nangchi i paleung ai ly Tameuh ai tamen naira mang y hawi, Krista i kham tanga naira mang y pahawi sy.

HEBRAI 10:36

Nangchi ly Tameuh i kangai sa nai bo y atiti adeu nai ly nga thai ai nai, kham tanga naira aly ngai u chy bo.

HEBRAI 6:11

Na i py nangchi leaung leaungrei ly tem pa-rei athang khai naira kangym nga thai ai nai, hunai kamta atho sa nai sai amteng hai jojo ai nai kaichi ly khrikhri pa-rei kang ngai hai;

HEBRAI 6:15

Hunaibaly mymy ly pajau tanga pa-rei kham nai bo y leu adeu nai ly nga khyp bo.

JAKOB 1:3

cham naira takhra takhra avum khala y ly kawn naira sasa y palawn u.

JAKOB 1:4

Naibaly ati sai py avaw y nai, nangchi bomrei angym thai ai nai, kham pajau naira my ly so angym sy.

II PETERA 1:6

naibaly pany naira y ly amkym naira abawi u ly, naibaly amkym naira y ly kham pajau naira abawi u ly, naibaly kham pajau naira y ly Tameuh ai dawn ryhryh naira abawi u ly,

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.

AMTENG HAI NAI 13:10

Ami ai py miseaung y hawi ai nai tla baly miseaung y hawi takengkei ai: ami py haisau y khumi ai tleh baly ni ai ly haisau ai tleh teang takengkei ai. Hinira y ly khumi kachaichi i kham tanga naira hawi ym naira amteng hai nai ne.

AMTENG HAI NAI 14:12

Hinira y ly Tameuh i leu pei naichi hawi, Isu ai ym naira patawm kheng nai khumi kachaichi i kham tanga nai sai amteng hai nai ne,” napi.

AMTENG HAI NAI 3:10

Nang ly kai i kham tanga nai leu patawm nai deaungkho y, khaileaung pri y awm naichi ai cham ai nai, khaileaung pri verei y tym ai cham nai neng y ly kapalawi ai.