LUKA 20:47 - Khumi Common Language Bible

⁴⁷ Nichi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh: hunichi ai ly pasum nai tleaung y pasumra ai,” napi.

LUKA 20:47 ပူးပေါင်းရင်းမြစ်များ

ISAIA 10:2

Hina nai kamta nangchi ly khumi kamawnchi ai mychi nga ai avo naichi ngo thai y ai nai, nangchi ly reita kateng tara chih ai nai so u y. Lumai cheaungtichi hawi nuro nukai chochi i vawnsaichi py la pi pawn nai ne.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

AMOS 2:7

Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

MIKHA 2:8

Huna nai khala Areng my, “Nangchi ly kai i khumichi ai paleung ka-e palawn iy tiu u. Tavai keung i dengdairei yhm mang y chymme naimy vawi nai khumichi i salo baichuchi ai, nangchi my leng u vui bo.

MIKHA 3:2

hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

MATTHAI 23:14

[Nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh; hunai deaungkho y nangchi ai ly pasum nai tleaung y pasum ra ai.]

MARKA 12:40

nichi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh; hunichi ai ly pasum nai tleaung y pasum ra ai,” napi.

LUKA 12:1

Huna nai khumi mipui sang neangneang achiu lengleang na pa-rei achu nai thym khala ly Isu my abangnaichi teng leu thui amteaung i, “Pharisaichi i angbo, tapawp naira y ly amkym u.

LUKA 20:46

seng meingtym y nichi ai chiu nai hawi, achura yhm y tahm asang keh nai atehra hawi, pawi sa naira y tahm asang keh nai meingtym py ngai parai lawh.

LUKA 21:1

Naibaly mymy ly angdeang i khumi kanangchi my ly khai achu naira y mymychi atiti pei pala nai thym khala y niu.

I THESALONIKA 2:5

Naibaly nangchi my pany u chum nai kamta ly kaichi ly palo hawp nai leu mo, heu nai paleung ano naira mo tlen py teaung vai y; Tameuh my pany hai nai keung lawn bo;

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

JAKOB 3:1

Kai i amjo amnauchi awi, patiu nai keung neangneang y awm u moh, achi ai tara chih nai sai aneng kyh ai, na na inangchi pany.