LUKA 20:36 - Khumi Common Language Bible

³⁶ nichi ly dei py dei ali thai y leang bo; nichi ly kani pri i amtaw thau naichi kamta tanrei awm; nichi ly angthau bi nai chanau lawn nai deaungkho y Tameuh i chanauchi ne.

LUKA 20:36 ပူးပေါင်းရင်းမြစ်များ

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

ZEKHARIAH 3:7

ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.

MATTHAI 22:30

Angthau bi nai khala y ly nichi ly apom py apom y, apom ai nai py deaung paseng y, kani pri i amtaw thau naichi kamta awm ai bo.

MARKA 12:25

Kadeichi theung i dengdairei angthau bi nai khala y ly nichi ly apom py apom y, apom ai nai py deaung paseng y, kani pri i amtaw thau naichi kamta awm ai bo.

ROM AVANGCHI TENG Y PAWLA I CHA PA NAI 8:16

Achi ly Tameuh i chanauchi ne, nanai Phailo kypkyp my ly achi i phailo hawi ang pany hai reng;

I KORINTH 15:26

Kangkhym kangtem i tama hai ai nai paleung ka-e ai ly dei naira ne he.

I KORINTH 15:42

Kadeichi i angthau bi nai sai py huna nai kamta atawm teang, Veaung thai nai tiu nai awm; veaung thai y nai pathau nai awm;

I KORINTH 15:49

Naibaly achi ly khaileaung hawi sa nai khumi atawm khyp naira nga nai kamta, achi ly kani mang i sa nai khumi atawm khyp naira nga teang ai nai tla.

PHILIPI 3:21

Mymy ly mymy i sa nai kamta sa iy, ati cheaungkhang ai py mymy ngaingai anui y khai pajau, achi i tahm anem nai thym kha i tlang ai ly mymy i nang parai nai tlang kamta awm ai nai sa palai bi ai.

AMTENG HAI NAI 20:6

Angchei i angthau bi naira abawi nai khumi ly taham py hawi, kachai py lawn bo:hunichi i tlang tleaung y pa-nyh dei naira ly sa thai naira ngo y bo; na i py nichi ly Tameuh hawi Krista i pathyp pi nai keungchi lawn u iy, mymy hawi vanrei saneng sangrei sala y peang u lawh ai.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 22:9

Naibaly ni my ly kai teng y, “Huna nai kamta so reng moh: kai ly nang hawi, ngamjo ngamnau amochi hawi, hini cha-iu leu sai patawm naichi i miseaung ahawi py ne: Tameuh ai chiu phai chiu,” ang napi.