LUKA 19:27 - Khumi Common Language Bible

²⁷ Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.

LUKA 19:27 ပူးပေါင်းရင်းမြစ်များ

2 SAMUELA 23:7

Hunichi ai syn ai nai tamo ateaung, ti y baly tivi teaung ai nai tla; huni aleng keungchi ly mai hawi leng iy taphra naira avum ai.

SAM 109:20

Aw Areng, kai i hawi y nai satangchi ai hei nai keung, kai i paleung ka-echi ai hina nai kamta pajeng pi kyh ba.

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

ISAIA 66:6

Tangai u! mary theung y kadosum nanai katyn, Achura yhm theung i katyn ly Areng my paleung ka-echi ai pajeng nai katyn ne na a!

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

NAHUM 1:8

Mymy ly khri pa-rei ho nai tavo tui kamta, paleung ka-echi ai phra hai. Mymy ai ka-awi sa nai khumichi ai, dei khora y tha nai ne.

MATTHAI 22:7

Hunaibaly samrang ly kado theu i mymy i tavaimichi ai pato iy, huni khumi ai padei nai keungchi ai ly padei teang i, nichi i avang py leang pi pawn bo.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

LUKA 20:16

Mymy ly jeu ai i, huni akho kry nai keungchi ai ly tama hai vui iy, kreip akho ly khumi takhrachi teng y au ai,” napi. Naibaly nichi ly huna nai thai iy, “Huna tanrei kaau ly tym moh sy,” napi.

LUKA 21:22

Satang tajiu nai bawibawi ly tym thai ai nai, huni kani ly vawitheung tha nai kani ne.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

HEBRAI 10:13

huni bo y mymy i paleung ka-echi ai ly my i kheu amchym naira lawn y ryrei ly ajeng veangveang.

1 SAMUELA 11:12

Huna nai khala y Israela chengchi my Samuela teng y, “Sawla ly kaichi i samrang lawm ai nai ataing y, nanai leu thui u nai khumichi ly ma y awm u vui mo? Huni khumichi ai kaichi teng y au, kaichi my padei pawn ai!,” napi u.