LUKA 18:24 - Khumi Common Language Bible

²⁴ Hunaibaly Isu ly mymy ai khen iy, “Yhmtheaung nang naichi ly Tameuh i peang naira y kun ai nai mana tanrei rai na mo!

LUKA 18:24 ပူးပေါင်းရင်းမြစ်များ

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

LEU KACHENG 11:28

Amy i yhmtheaung katui ai paleung pado nai khumi ly Chaboleh nai khala vui nai dengkeaung ngamchi kamta, phra ai; na i py khumi kahawichi ly kanipui khala, sai angpho nai dengkeaung ngamchi kamta nang chawn ai.

LEU KACHENG 18:11

Na i py nang chawn nai khumichi ly mymychi i yhmtheaung katuichi my, mychi ai khaw parai nai mary apai ka-sang kamta ang kry, nanai athang khai u reng nai ne.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

MARKA 6:26

Naibaly samrang ly khri pa-rei paleung mawn parai, na i py mymy i vaineng abeu nai hawi biu o ahawi naichi deaungkho y py ni ai aei ai nai ngai y.

LUKA 18:23

Na i py ni my ly khri pa-rei nang nai deaungkho y huna nai leu thai i khrikhri pa-rei paleung mawn na.