LUKA 17:25 - Khumi Common Language Bible

²⁵ Na i py huna nai ny y rai khala y mymy ly atiti neangneang patang ai nai tla i, vai deung i kangthauchi my ly ni ai ngai y naimy awm ai nai tla.

LUKA 17:25 ပူးပေါင်းရင်းမြစ်များ

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

MATTHAI 16:21

Huni dengdairei baly mymy ly Jerusalem avang y chei ai nai tla nai sai hawi, miteaung kehchi, pathyp pi nai keung kalenchi, Reita patiu nai keungchi teng y mymy i atiti neangneang patang ai nai saichi py, ni ai padei ai nai saichi py, kani thomrei kani y pathau teang ai nai saichi py Isu ly abangnaichi teng y thui pi amteaung bo.

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?

MARKA 10:33

Naibaly mymy ly holai nyhreichi ai hawi takhra bi i, “Khen cham, achi ly Jerusalem avang y kalau ai i, Khumi i Chapo ai ly pathyp pi nai keung kalenchi hawi Reita patiu nai keungchi teng y py patiu hai ai; naibaly nichi my ly mymy i tlang tleaung y dei ai nai leu atlym hai iy, Cheng Takhrachi teng y au ai;

MARKA 12:10

‘Yhm sa nai keungchi i lengseaung ngai nai ly, Huni kypkyp ly taki i lengseaung avo keh nai palawn bo;

MARKA 8:31

Naibaly Khumi i Chapo ly atiti neangneang patang ai nai saichi py, miteaung kehchi hawi, pathyp pi nai keung kalen kehchi hawi, Reita patiu nai keungchi my ngai y ai nai saichi py, ni ai padei ai nai saichi py, kani thomrei nai kha y angthau teang ai nai saichi py nichi ai patiu amteaung bo.

MARKA 9:31

Ati mana nai mo nabaly mymy ly abangnaichi ai patiu i nichi teng y, “Khumi i Chapo ai ly khumichi i kiu y patiu hai ai i, ni ai padei u ai; naibaly padei u nai bo y kani thomrei kani y ly angthau teang ai,” napi.

LUKA 18:31

Naibaly holai nyhreichi ai ly mymy teng y hawi takhra i nichi teng y, “Khen cham, achi ly Jerusalem avang y kalau ai i, amochi i leu tajiu nai bawibawi ly Khumi i Chapo i tlang tleaung y tym ai.

LUKA 18:33

naibaly chip ai i padei ai; naibaly mymy ly kani thomrei kani y angthau teang ai,” napi.

LUKA 24:46

Naibaly mychi teng y, “Krista ly patang ai i, kani thomrei kani y ly kadeichi theung i nai angthau bi ai nai tla;

LUKA 9:22

“Khumi i Chapo ly atiti neangneang patang ai nai tla: miteaung kehchi hawi, pathyp pi nai keung kalenchi hawi, Reita patiu nai keungchi my ngai y nai awm ai nai tla, ni ai padei ai nai tla, kani thomrei kani y pathau teang bi ai nai tla,” napi.

JOHAN 1:11

Mymy i khumichi teng y ang jeu i, mymy i khumichi ly ni ai kawn y.

JOHAN 12:38

“Areng, kaichi i leu thui nai ami ym mo? Areng i kiu ban py ami teng y amteng mo?” nanai amo Isaia i leu thui nai tym ai nai.

1 SAMUELA 10:19

Kai ly nangchi i Tameuh, ngari kamtangchi hawi rai naichi theung i, nangchi ai atleu nai Tameuh ne. Na i py nangchi ly kai ai khai su iy, kai teng y samrang hnei u bo. Hawi mang, nangchi ly Areng i mo y cheng theaung ka-thui, nupai ka-thui angym u,’ nanai leu pei bo,” napi.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.