LUKA 17:24 - Khumi Common Language Bible

²⁴ Amlosadi theu iy, kani anui y meingtym harei dengdairei angvang i, kani anui y meingtym takhra khrairei kangvang ko nai kamta ly, Khumi i Chapo py mymy jeu nai kani y ly hunai kamta awm teang ai.

LUKA 17:24 ပူးပေါင်းရင်းမြစ်များ

Ezekiela 1:14

Huni heng nai amjychi py amlosadi kamta rang parai naimy amki u nai ne.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

MATTHAI 24:27

Amlosadi ly nisi mang y theu iy, ni dym mang y tym pa-rei amteng nai kamta ly, Khumi i Chapo i jeu nai ly ne teang ai.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 5:15

Naibaly ami my maisi thawn iy teaung anui y khai vai y leang, khai reng naira y naini khai khyh, hunaibaly angtheung y awm nai bawibawichi teng y angvang.

I KORINTH 1:8

ni ly achi i Areng Isu Krista i kani y ly nangchi cheh naira by y pa-rei awm ai nai nangchi ai tem khala y khrairei ang khaw hai ai mang.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

II THESALONIKA 2:2

“Areng i kani ly tym yb veng bo,” napi nai, phailo deaungkho y mo, leu deaungkho y mo, kaichi teng i dengdairei cha pa nai kamta deaungkho y mo nangchi i paleung amchyh praw y ai nai hawi khru py khrukhra y ai nai kaichi kang takeng.

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

JAKOB 5:8

Nangchi py kham tanga pa-rei awm u; nangchi i paleung khaw u; Areng ly ang jeu ai nai kasa bo.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.