LUKA 16:29 - Khumi Common Language Bible

²⁹ Na i py Abraham my ly, ‘Mosi hawi amochi i leu py nichi teng y awm chy bo; hunichi i leu tangai u sy,’ napi.

LUKA 16:29 ပူးပေါင်းရင်းမြစ်များ

ISAIA 34:16

Heng nai amjychi satang tajiu nai Areng i cha-iu theung y hau iy phain u cham. Huni heng nai amjy harei py tama ai ny y. Mani heng nai amjy ngiereichi py, nu kalo ka-bom by y nai awm ai ny y. Hina nai kamta tym hai ai nai Areng my leu pei nai ne. Mymy ly nichi ai akachu hai ai.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

LUKA 16:16

Reita hawi amochi i leu ly Johan awm khala y khrairei awm; huni dengdairei Tameuh i peang nai Satang Kahawi ly thui i, khumi leaung leaungrei atho y my kun bawibawi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 4:17

Naibaly amo Isaia i cha-iu ly mymy teng y pei. Naibaly cha-iu aeang lam iy, hini tajiu naira i nai vawi i,

AMTAW 15:21

Mosi ly jangni i dengdairei meingtym tleirei y mymy i leu thui pi pateang nai keungchi ai nga reng nai bo, achura yhm y py Anawn Kani tleirei y mymy i leu ly phai reng be,” napi.

KALATIA 4:21

Reita i anui y awm ai ngai naichi awi, nangchi ly Reita i leu tangai u reng y a?