LUKA 16:15 - Khumi Common Language Bible

¹⁵ Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

LUKA 16:15 ပူးပေါင်းရင်းမြစ်များ

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

2 NENG SATANG 6:30

nichi i chiu sa nai tangai pi kyh ba. Nang i awm nai kani pri mang dengdairei tangai pi iy, nichi i kamngo pahen pi ba. Nang naini nichi i dawn pasym nai pany pi bo. Khumi leaung leaungreichi ai avo nai kamta, tara chih pi ba.

SAM 10:3

Khumi aso y naichi ly mychi i hawi y nai paleung kangaira y amlyh reng. Ngaiphi teng y nai khumi ly Areng ai pasawi reng nai ne.

SAM 49:13

Amymychi ai a-ym nai khumichi, amymychi nang chawn nai hawi, paleung tuinem naichi i khym taham ly khen u.

SAM 49:18

Khumi ly my i deung y paleung tuinem iy, my i eaung naira molam y palo naira avum teu i py,

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

LEU KACHENG 16:5

Areng ly paleung len nai khumi ngiereichi ai ly niu ngai y. Nichi ly mana khala py, kamngo pajeng naira i nai lawi hai ai ny y.

LEU KACHENG 20:6

Khumi luteng ly amymy ai ka-ym awm, nanai thui u teu i py, meitang khyp, ka-ym awm nai khumi ai hau i, avum thai y lawh ly!

LEU KACHENG 21:2

Nang ly nangmy i sa nai ngiereichi teng, nanai athang khai reng; na i py Areng ly nang i dawn pasym naichi ang chih pi ai nanai pany jo ba.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

MALAKHI 3:15

Kaichi niu nai kamta paleung len amlyh nai khumichi ly taham hawi naichi ne. Khumi hawi y naichi ly nang chawn u bo. Huni khyh chang y rai; nichi ly Tameuh i neaung hawi nai sai ai cham u teu i py, ati patang naira py avum u y’, nanai thui u,” napi.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:2

Hunaibaly nang ly amichi teng y atiti pei baly khumichi i palo naira nga thai ai nai, tapawp nai khumichi i achura yhm hawi lam y sa reng nai kamta ly nang i mo y baw eng hai reng moh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

LUKA 10:29

Na i py ni my ly eaung ai nai tau i Isu teng y, “Naibaly kai i saleaung khumi ly ami mo?” napi.

LUKA 11:39

Naibaly Areng my ni teng y, “Nangchi Pharisaichi ly khau hawi saibi ly salo mang paju veng; na i py nangchi i paleung y ly cha parawp ai nai hawi, kamngo nai kawi veng.

LUKA 18:11

Pharisai ly angdo i mymy naimy hina nai chiu asa ryp, ‘Aw Tameuh, kai ly khumi takhra kamta, um paviu naichi, hawi y naichi, pajang sa naichi ny y nai hawi, hini akeu cheaung nai keung kamta py kai ly ny y nai deaungkho y nang teng y kai kawn parai ba.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

LUKA 18:21

Naibaly ni my ly, “Huni leu bawibawi ly kai deaungdichy khala i dengdairei kapatawm nai bo,” napi

LUKA 18:9

Naibaly khumi kahawi ne, nanai athang akhai iy, khumi takhra bawibawichi ai tahm khai y nai keung amichi teng y mo ly hini pata nai leu py thui i,

LUKA 20:20

Naibaly mymy ai ly aripeng i tara chih naira y hawi, aly peang naira y au thai ai nai, mymy i leu thui tamang naira amo jo ai nai, khen paryp nai khumi, khumi kahawi kamta awm hyp veng naichi ai py pato.

LUKA 20:47

Nichi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh: hunichi ai ly pasum nai tleaung y pasumra ai,” napi.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

AMTAW 1:18

(Huni khumi ly my i kamngo vang y meingtym harei van; naibaly tla amkhiuh iy sala y apeu phiu ryp i tavi theu bebe.

AMTAW 1:24

Naibaly nichi chiu sa i, “Areng awi, nang ly khumi bawibawichi i paleung pany nai keung ne, Juda ly mymy i awm naira y chei ai nai phra i,

AMTAW 15:8

Naibaly paleung ai pany nai keung Tameuh my achi ai ang pei nai kamta ly Phailo Kachai mymychi teng y pei teang iy, mymychi ai kawn nanai pany hai bo;

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

ROM AVANGCHI TENG Y PAWLA I CHA PA NAI 8:27

naibaly mymy ly Tameuh i ngai nai kamta khumi kaichai ai ly chiu ang sa pi reng nai deaungkho y, paleung y khen patawm nai keung ly Phailo i kangai pany nai ne.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.