LUKA 15:15 - Khumi Common Language Bible

¹⁵ Hunaibaly mymy ly huni pri i khumi leaungrei teng y chei i, ni hawi atabi; naibaly huni my ly ni ai eu biu pei ai nai hlau mang y pato.

LUKA 15:15 ပူးပေါင်းရင်းမြစ်များ

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

ISAIA 1:5

Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

Ezekiela 16:52

Vai nang ly nangmy naimy kangji nga ai. Nang i kamngochi ly nang i ngamjo ngamnau neampachychi i kamngochi tleaung y, khri pa-rei hawi y katlen nai deaungkho y, nichi ly nang hawi pata baly kamngo by y naichi atawm. Huna nai nangmy i ngamjo ngamnau neampachychi ai kamngo by y naichi kamta amny hai nai molam y, nang ly nangmy i kangji nga naira y awm ba,” napi.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

NAHUM 3:6

Kai ly amso ngai nai hawimy nang hawi amkawm iy, anyn angso hawimy kang taphum ai. Khumichi ly nang i tlang tleaung y paleung no-ei naimy khen u ripati ai.

MALAKHI 2:9

Hunai deaungkho y kai ly Israela chengchi teng y, nangchi ai amso ngai hai ai. Ati mana nai mo na baly nangchi ly kai i kangai so u y, kai i khumichi ai leu patiu nai khala, meimai katheang kalen khen u nai deaungkho y ne,” napi.

MATTHAI 7:6

“Atiti kachai ly uichi teng y pei u moh; nangchi i amiachi py euchi i mo y aphi u moh, ti y baly ati piupa nai hi iy ang kase lawh na.

LUKA 15:13

Naibaly kani kra y naimy chapo deungdi keh my ly mymy i vui yhmtheaung bawibawi la achu iy, pri kamlo paraira y chei vui; hu y ly saw ala nai yhmtheaung pasum ryry atyhtyh.

LUKA 15:14

Naibaly pasum krai khala y huni pri y ly khrikhri pa-rei takang theu, naibaly mymy ly avaw angchei bo.

LUKA 15:16

Naibaly eu i cha nai keu hawi mymy i kajeu apakawi ai nai khrikhri pa-rei ngai; naibaly ami py ni ai ati sai py pei y.

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.