LUKA 14:21 - Khumi Common Language Bible

²¹ “Naibaly miseaung my ly ni i yhmkeung teng y huni satang thui pi. Hunaibaly yhmkeung ly kado theu i miseaung teng y, ‘Theu ly, lam y py, taki tavai y py chei kaliki ly, kamawmchi, khumi kaphrachi, mei kamjuchi, kheu kambaichi ai hi y pahawi,’ napi.

LUKA 14:21 ပူးပေါင်းရင်းမြစ်များ

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 38:7

Kai ly keaung kabi len nai deaungkho y, dei vi na bo.

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

JEREMIA 5:1

Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

ZEKHARIAH 11:11

Hunai deaungkho y Leu Maikawm ly huni kani y phra veng nai ne. Beramchi ka-jo ka-van sa nai khumichi ly kai ai khen u. Nichi ly kai i sa nai sai khen iy, Areng my leu pei nai awm, nanai pany u bo.

ZEKHARIAH 11:7

Beram ka-jo ka-van sa nai khumichi my kai ai alai nai deaungkho y, kai ly ana naira avum nai beramchi ai typ nai keung lawm bo. “Pahen naira” napi nai amyn nga nai beram cheaungvawi harei hawi, “Amkawm naira” napi nai amyn nga nai beram cheaungvawi harei la iy, beram kanghuchi ai typ ai nai tla bo.

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 15:12

Hunai thym khala y abangnaichi ly chei i mymy teng y, “Pharisaichi ly huni leu thai iy paleung hawi y, nanai ly pany a? napi.

MATTHAI 18:31

mymy i atiti sa naichi bawibawi ly mymychi i yhmkeung teng y thui pi bo.

MATTHAI 20:7

Naibaly nichi my ly mymy teng y, ‘Ami py kalop so hai y nai deaungkho y teu,’ napi. Mymy ly nichi teng y, ‘Nangchi py kreip akho y chei u teang,’ napi.

LUKA 14:13

Na i py nang ly pawi sa nai khala y ly khumi kamawnchi hawi, khumi kaphrachi hawi, kheu kambaichi hawi, mei kamjuchi ai phai heang u.

LUKA 14:20

Naibaly khumi takhra my, ‘Kai ly aju la i kang jeu thai y leang,’ napi taleang bi.

LUKA 14:22

Naibaly miseaung my ly, ‘Areng nang i leu pei nai kamta sa nai bo, na i py meingtym palai jojo rai,’ napi.

LUKA 14:24

Kang thui pi, kai i heang nai khumichi ly leaungrei py kai i pawi sa naira y cha ai ny y leang,’ napi,” nanai thui pi.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

LUKA 9:10

Naibaly amtaw thau naichi ly vawi teang iy ni teng y mychi i atiti sa naichi bawibawi thui pi. Naibaly mymy ly nichi ai hawi iy Bethsaida avang napi naira y chei takhra bo.

JOHAN 9:39

Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.

1 SAMUELA 25:12

Davida i khumichi ly vawi ali teang iy, Nabala i thui nai leu Davida teng y amti pi.