LUKA 14:13 - Khumi Common Language Bible

¹³ Na i py nang ly pawi sa nai khala y ly khumi kamawnchi hawi, khumi kaphrachi hawi, kheu kambaichi hawi, mei kamjuchi ai phai heang u.

LUKA 14:13 ပူးပေါင်းရင်းမြစ်များ

2 SAMUELA 6:19

Israela pri y awm nai neampacho, neampachy ngireichi ai tako phirei, mawi dang nai akawirei hawi kreip athai phi ha harei anga pa-rei paji pi. Naibaly khumi bawibawichi ly mychi i yhm mang y vawi u bo.

2 NENG SATANG 30:24

Samrang Hezekia ly khumichi cha ai nai si katai amai 1,000 rei hawi beram amai 7,000 rei sabawm pi. Miteaung kehchi my py si katai amai 10,000 rei hawi beram amai 1,000 rei sabawm u nai ne. Pathyp pi nai keung neangneangchi py reita leaungsaira thui nai kamta, apachai u bo.

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

NEHEMIA 8:12

Hunai deaungkho y khumi bawibawichi ly thai nai Reita leu pany thai nai y, amymy i yhm y vawi u i, amo theu parai naimy cha nei u iy, takhra khumichi ai paji pi sei nai ne.

JOBA 29:13

Khrikhri pa-rei paleung mawn nai khumichi my kai ai palo u. Kai ly neampachy lumaichi ai awmnem naira pei pi bo.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 22:9

Pasai y nai paleung hawi khumi kamawnchi ai pacho panei nai khumi ly amtheaung naira nga ai.

ISAIA 58:10

kajeu alam nai khumichi ai teicha teinei pacho iy, avaw nai khumichi i kangai pei u ai nabaly, nang i kangvang ly nangmy tengpang sahawi i kaveng ai angvang hai ai. Nang i vum kaveng ly kanithun kangvang kamta lawm ai.

ISAIA 58:7

kajeu alam naichi ai pacho panei nai, yhm hlau by y nai khumi kamawnchi ai awm naira pei pi nai, ateaung alang by y naichi ai pei pi iy nangchi i chengchi ai sabawm nai, huna naichi ai akhi y nai ne.

MATTHAI 15:30

Naibaly khumi mipui ka-teng ny y nai mymy teng y chei u i, kheu kambaichi khumi kaphrachi, mei kamjuchi, leu katheu thai y naichi ai hawi, kalang neangneangchi ai py mymy teng y chei hai u iy, mymy i kheu keung y khai i, mymy ly nichi ai hawi sa bo.

MATTHAI 22:10

Hunaibaly huni miseaungchi ly theu u iy lam y chei u i, niu nai ngiereichi ai ly, khumi kamngo py ne sy, khumi kahawi py ne sy, bawibawichi ai hawi u achu bo; hunaibaly jeu achu naichi ly aju palyn nai pawi biu cha naira kawi u bo.

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

LUKA 14:12

Naibaly mymy ly mymy ai heang nai keung teng y py, “Kani thun y mo, vum y mo nang pawi sa nai khala y ly, nang i ahawichi hawi, ngamjo ngamnauchi hawi, nang i misochi hawi, nang i saleaung khumi kanangchi ai ly heang u reng moh: ti y baly ang heang teang ai i, ang heung kaleih ai.

LUKA 14:14

Hunichi my ly ang heung ai nai by y nai deaungkho y nangchi taham hawi ai; khumi kahawichi angthau bi nai neng khala y ly ang heung bi ai,” napi.

LUKA 14:21

“Naibaly miseaung my ly ni i yhmkeung teng y huni satang thui pi. Hunaibaly yhmkeung ly kado theu i miseaung teng y, ‘Theu ly, lam y py, taki tavai y py chei kaliki ly, kamawmchi, khumi kaphrachi, mei kamjuchi, kheu kambaichi ai hi y pahawi,’ napi.

AMTAW 9:39

Naibaly Petera ly angthau i myni teng y chei teang bo. Naibaly tym bo nabaly ni ai salo i sambeu y chei hai; naibaly neampachy lumai bawibawichi ly mymy i ahawi y angdo iy Dorka mymychi teng y awm nai khala y baichu sa naichi, kanih sa naichi patei nai tarawi y vo u lengleang.

Leu Thui Nai 14:29

Huni teicha teineichi ly Levi theaungchi i vui ne, nichi ly angchei i dengdairei yhmtheaung katui by y. Naibaly nangchi i marychi theung y awm u nai cheng takhrachi, nurochochi hawi lumai neampachychi i vui ne. Nichi ly hunichi theung i ngai nai ryrei la iy cha pajau. Huna nai sa baly nangchi i Areng Tameuh my nangchi sa nai tleirei y amtheaung hai ai.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

Leu Thui Nai 16:14

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei huni pawi so u.

I TIMOTHEI 3:2

Hunaibaly palau takhra kamkawm peang nai keung my ly cheh naira by y nai, aju harei awm khyh nai, amkym thai nai, paleung kateng, khumi kahawi, angvyn angvo hawihai nai,

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

TITA 1:8

Huna ny y naimy ni ly angvynchi ai kawn reng nai hawi, atiti kahawi ngai parai nai hawi, amkym thai nai hawi, paleung kahawi hawi, khumi kachai hawi, amy i ngai nai sai apeang nai khumi py ne lawh ai nai tla;

PHILEMON 1:7

Amjo amnau awi, nangmy i saho y khumi kachai bawibawichi i paleung amcheng veng lawh nai deaungkho y nang i tamen naira y ly amo katheu iy, khri pa-rei kaawm nem lawh veng.

HEBRAI 13:2

Angvynchi ai kawn ai nai tami u moh:phyreichi ly hunai kamta sa iy pany y naimy kani pri i amtaw thau naichi ai anga hai lawh veng bo.