LUKA 13:35 - Khumi Common Language Bible

³⁵ Khen cham, nangchi i yhm ly ka-keu khai pi jo veng bo. Kang thui pi, ‘Areng i amyn y jeu nai ly taham hawi,’ ti u y ryrei ly nangchi ly kai ai niu ali y leang bo he,” napi.

LUKA 13:35 ပူးပေါင်းရင်းမြစ်များ

SAM 118:26

Areng i amyn y jeu nai keung ai ly Tameuh my amtheaung naira pei sy! Kaichi ly Areng i yhm mang dengdairei, nang ai amtheaung naira pei ai.

SAM 69:25

Nichi i tairachi ly khumi angso savai tlang nai lawm sy; nichi i taichi theung y khumi leaungrei py, heng naimy awm jo moh sy.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

JEREMIA 22:5

Na i py nangchi ly kai i leu tangai u y lawh ai nabaly, hini samrang yhm ly phra seaungkhrang ai, nanai nangchi teng y kang pasawi kheih bo. Hini ly kai, Areng i thui nai leu ne,” napi.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 14:2

Areng ly Jerusalem mary y tiu ai nai pangym iy hawi ai. Huni mary ai ly peang vui ai. Yhmchira i nai lawm vui ai i, neampachychi ai ly pajang u ai. Khumi phy ka-hyhrei ly pri pala naira avum u ai; huni bo i phy ka-hyhrei ly huni mary i nai asyh u ai ny y.

MATTHAI 21:9

Naibaly mymy i mo mang y tako nai hawi mymy ai hui nai khumi mipuichi ly, “Tameuh my Davida i chapo ai tahm pasang sy; Areng i amyn y jeu nai ly tahm hawi; salo mang i nai ly Tameuh my ni ai amtheaung hai sy,” nanai aeu u.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

LUKA 19:41

Naibaly tym ai nai takengkei khala ly avang niu i vo hai i,

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

JOHAN 12:13

“Tameuh my ni ai amtheaung hai sy, Areng i amyn y jeu nai Israelachi i Samrang ly taham hawi,” nanai aeu.