LUKA 12:32 - Khumi Common Language Bible

³² Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

LUKA 12:32 ပူးပေါင်းရင်းမြစ်များ

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

MATTHAI 14:27

Na i py Isu my ly nichi ai preng praw i, “Paleung awmnem naimy awm u; kai teu na a; jei u moh,” napi.

MATTHAI 20:16

Hunai kamta kangkhym kangtem nai ly kangman y awm ai i, kangman keh nai py kangkhym kangtem y awm ai,” napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

LUKA 10:21

Hunai thym khyp khala y mymy ly Phailo Kachai y khri pa-rei kawn i, “Aw Ngaai, kani khaileaung Areng, nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang; ne, Ngaai awi, hunai kamta sa ai nai nang ly hawi, nanai pany.

JOHAN 18:36

Isu my, “Kai i peang nai ly hini khaileaung pri y ny y leang; kai i peang nai ly hini khaileaung pri y ne i khyly, kai ai Judachi teng y au y ai nai kai i miseaungchi ly tiu ai; na i py kai i peang nai ly hi i nai ny y leang,” nanai pathang.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

AMTAW 20:29

Kai chei nai bo y ly kasui kasichi ly nangchi theung y ang kun ai i, kanghu ai ly ang khai ai nai ny y leang, nanai kai pany.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

I KORINTH 1:21

Khaileaung pri my amy i cheng naira teaung iy Tameuh ai pany y ai nai, Tameuh i cheng naira my sa; hunai deaungkho y Tameuh my ngai i ym naichi ai paheng ai nai cheng y nai leu thui naira y teaung.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

II THESALONIKA 1:11

Achi i Tameuh my ang palau naira y ly palau ai ataing nai ang sa rym thai ai nai hawi, ym naira y atiti sa nai cheaungkhang mymy i atiti sa thai naira y nangchi ai sa hai thai ai nai, kaichi ly chiu kang sa pi jojo nai he.

II THESALONIKA 1:5

Huni ly nangchi ai Tameuh i peang naira khumi palawn ai ataing thai ai nai, Tameuh i tara chih nai hawi parai nai ka-ma-ra chai pyn nai ne:nangchi ly huni peang naira deaungkho y patang u nai ne he.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

AMTENG HAI NAI 1:6

Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.