LUKA 11:29 - Khumi Common Language Bible

²⁹ Naibaly khumi mipuichi ly ni teng y awm achu khala y mymy ly, “Vai deung kangthauchi ly deung kangthau kamngo ne i, ka-ma-ra hau u lawh; na i py Jona i tlang tleaung i ka-ma-ra harei ny y baly ka-ma-ra ha py pei ai ny y.

LUKA 11:29 ပူးပေါင်းရင်းမြစ်များ

Ezekiela 24:24

Huna nai khala kai ly nangchi i vui rengrang ka-ma-ra lawm iy, nangchi ly kai i sa nai sai ngiereichi sa u ai. Huna nai thym khala mymy ly Areng ne, nanai nangchi pany u ai nai mymy ly leu pei nai ne,” napi.

JONA 1:1

Kanirei nai khala y Amittai i chapo Jona teng y Areng my leu pei nai ne.

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 11:16

Naibaly phyreichi my ly mymy ai cham ai nai kani pri mang i nai atiti ka-ma-ra hnei.

LUKA 11:50

hunaibaly Abela i thi dengdairei maicham hawi meingtym kachai sala y dei nai Zakari i thi khrairei,

LUKA 12:1

Huna nai khumi mipui sang neangneang achiu lengleang na pa-rei achu nai thym khala ly Isu my abangnaichi teng leu thui amteaung i, “Pharisaichi i angbo, tapawp naira y ly amkym u.

LUKA 9:41

Naibaly Isu ly pathang i, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm nai iy kang kham hai thai ai mo? Nang i chapo ai ly hi y hawi ba,” napi.

JOHAN 2:18

Hunaibaly Judachi ly mymy teng y, “Nang i hini sa nai avo nanai ly kaichi ai ati ka-ma-ra patei ai mo?” nanai pathang.

JOHAN 6:30

Nichi my ly ni teng y, “Kaichi niu iy kang ym thai ai nai ati ka-ma-ra patei ai mo?

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

I KORINTH 1:22

Judachi ly ka-ma-rachi hnei, Krikchi ly cheng naira hau;