LUKA 11:24 - Khumi Common Language Bible

²⁴ “Vawinam ly khumi taku theung i dengdairei theu nai bo y anawnra hau nai tui by y nai meingtym y aleaung ryry; naibaly pipi ngo y i, ‘Kai i theu nai yhm y ka-li teang khere ai,’ napi.

LUKA 11:24 ပူးပေါင်းရင်းမြစ်များ

JOBA 1:7

Areng my setan teng y, “Nang ly ati sa mo? nanai deng. Setan my, Kai ly khaileaung pri y aki aleaung nai ne,” nanai pathang.

JOBA 2:2

Ni ai Areng my, “Nang ly ma mang i jeu nai mo?” nanai deng. Setan my, “Kai ly khaileaung pri y aki aleaung nai ne,” nanai pathang.

SAM 63:1

Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

LEU KACHENG 4:16

Khumi hawi y naichi ly hawi y naichi so y baly i amhm y. Nichi ly khumi takhra ai patang hai y baly i thai y.

ISAIA 35:7

Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 48:22

“Khumi hawi y naichi ly awmnem naira nga ai ny y,” nanai Areng my leu pei bo.

MARKA 5:10

Naibaly huni pri i dengdairei nichi ai patheu y ai nai mymy teng y khri pa-rei takeng.

MARKA 9:25

Naibaly Isu ly khumi mipuichi angpreng achu dudu nai niu kha y, vawinam ai jo i ni teng y, “Nang vawinam leu katheu thai y nai hawi kano kapang awi, ni i taku theung i nai theu ly, kun bi moh, nanai leu kang pei,” napi.

LUKA 11:25

Naibaly tym kha y ly pasi pan iy hawihai palum nai niu lawh.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;