LUKA 1:8 - Khumi Common Language Bible

⁸ Naibaly hina nai ne, ni ly mymy i kamkawmchi i ka-thui sa nai kamta Tameuh i mo y pathyp pi nai keung i kalop amsi nai thym khala y ly,

LUKA 1:8 ပူးပေါင်းရင်းမြစ်များ

1 NENG SATANG 24:19

Israela chengchi i Areng Tameuh my leu pei nai molam, amsi pajo Aron i sa yb nai kamta, Achura yhm mang y chei iy mymychi teng y pei yb nai kalopchi sa u ai nai, hini khumichi i amyn la nai ne.

1 NENG SATANG 24:2

Nadab hawi Abihu nini ly ampo dei y rai khala my dei hawi vui nai deaungkho y, nini ly kangpreang by y. Hunai deaungkho y nini i amnau Eleaza hawi Ithama nini ly pathyp pi nai keung lawm hawi bo.

2 NENG SATANG 11:14

Israela samrang Jeroboam hawi ni i kangpreangchi ly Levi theaungchi ai Areng i pathyp pi nai keung kalop sa ai nai pei u y. Hunai deaungkho y Levi theaungchi ly tawnbawi teicha patlai nairachi hawi yhm hlauchi khai su iy, Juda pri Jerusalem mary y ang pyn u pawn nai ne.

2 NENG SATANG 31:19

Aron i kangpreangchi i vui meingtym khai pi nai marychi ra y py ne sy, huni marychi hawi amtawn nai sui tlai naira y py ne sy, pathyp pi nai keungchi vui cha nei vawn phy paji pi nai luchi awm. Nichi ly pathyp pi nai keungchi i yhm dengtheung neampacho ngiereichi ai, cha nei vawn paji pi nai ne.

2 NENG SATANG 31:2

Samrang Hezekia ly pathyp pi nai keungchi hawi Levi theaung kamkawm sa palai teang iy, nichi leaung leaungrei i vui kalopchi phy pi patyp bo. Huni kalopchira y leng patlum nai kapathypra hawi amkawm teang nai kapathyprachi talam nai, Achura yhm theung y chiu sa naira abawi nai, Achura yhm meingtym tleirei y palo nai hawi kawn nai leu thui naichi abawi nai ne.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

EZARA 6:18

Nichi ly Mosi i reita cha-iu theung y leu pei nai kamta, Jerusalem mary Achura yhm i kalop sa ai nai vui y, pathyp pi nai keungchi hawi Levi theaungchi ai ka-thui ka-thui kalop paji pi bo.

THEU NAI 28:1

“Nang i amjo Aron hawi ni i chapo Nadab, Abihu, Eleaza hawi Ithamachi ai palau. Nichi ly pathyp pi nai keung kalop sa u ai nai Israela chengchi theung i nai vawi takhra.

THEU NAI 28:41

Huni baichu ateaung alangchi ai nang i amjo Aron hawi ni i chapochi ai hini ateaungchi amthyp hai; naibaly nichi ly kai i kalop sa nai keungchi lawm ai nai olive asitui leih iy, tahm palyn pi ai nai tla.

THEU NAI 29:1

“Pathyp pi nai keung y kai i kalop sa ai nai Aron hawi ni i chapochi ai, hina nai kamta au ai nai tla. No-na by y nai si katai beaungjeaung harei hawi beram katai nyhrei syn.

THEU NAI 29:44

Kai ly kai i awmra Tabynako hawi maicham ai chai hai iy, Aron hawi ni i chapochi ai kai i kalop sa ai nai pathyp pi nai keung y khai takhra ai.

THEU NAI 29:9

Khobaichi py akawm hai ly lukhym kasauchi py adeung hai; nang ly hina nai kamta Aron hawi ni i chapochi ai tahm palyn ai nai tla. Nichi hawi nichi i kangpreangchi ly pathyp pi nai keung y, kai i kalop sa u jojo ai nai tla.

THEU NAI 30:30

Naibaly Aron hawi ni i chapochi ai kai i kalop sa nai pathyp pi nai keungchi lawm ai nai, nichi ai rimui hawi leih iy tahm palyn pi.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.

LUKA 1:5

Judai pri i samrang Heroda awm khala y Abija i kamkawm theung i pathyp pi nai keung leaungrei awm, amyn ly Zakaria ne; ni my ly Aron i kangpreangchi theung i nai aju la bo, amyn ly Elizabet ne.

LUKA 1:7

Na i py Elizabet ly teng nai deaungkho y chanau so y, naibaly myni ly miteaung tlai veng bo.