Levi 8:7 - Khumi Common Language Bible

⁷ Aron ai baichu, baichu kangjiuchi amthyp hai iy, akeng y py khobai akawm hai bo. Naibaly ephod amchiu hai iy, apu parai nai akengkawm hawi ephod ai thang pi bo.

Levi 8:7 ပူးပေါင်းရင်းမြစ်များ

THEU NAI 28:2

Nang i amjo Aron, pathyp pi nai keung i vui rym-ah awm iy apu parai nai ateaungchi sa pi ai nai tla.

THEU NAI 28:4

Huni khumichi my sa pi ai nai ateaung alangchi ly tang taang adangra ephod, baichu kangjiu, mawi-en thun nai baichu, lupeu hawi khobaichi ne. Huni ateaung alangchi ly nang i ngamjo Aron hawi ni i chapochi ai pathyp pi nai keung y, kai i kalop sa nai khala amthyp nai pathyp pi nai keung ateaungchi ne.

THEU NAI 28:6

“Ephod ai ly beram mui an kamngau, an kamleng, an kamsen, muku kalang, kanih mai ka-synchi hawi mawi-en sa ai nai tla.

THEU NAI 29:5

Naibaly Aron ai ly pathyp pi nai keung ateaungchi napi nai baichu, baichu kangjiu, ephod hawi tangtaang adangrachi amthyp hai iy, tangtaang akawmra pei pi ai nai tla.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

Ezekiela 42:14

Pathyp pi nai keungchi ly Achura yhm theung y tym nai bo y, Achura yhm apai angam mang ly-um y theu ai nai ngai baly, Areng teng y apathyp nai thym khala i amthyp nai ateaung kachaichi ai, huni takunchira aleng ai nai tla. Nichi ly khumi humchi achu naira mang y theu y rai khala, ateaungchi atha ai nai tla,” napi.

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

KALATIA 3:27

nangchi theung y Krista y baptisma nga nai ngiereichi ly Krista ai amthyp u bo.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.