Levi 8:35 - Khumi Common Language Bible

³⁵ Nangchi ly Tabynako katheu pa-khora y Areng my leu pei naichi, kani saryhrei sala y vum, kanithun sa ai nai tla. Nangchi ly leu pei nai kamta so u y lawh baly, dei takengkei ai, nanai Areng my kai teng y leu pei bo,” napi.

Levi 8:35 ပူးပေါင်းရင်းမြစ်များ

1 ARENG KEH 2:3

nang i Areng Tameuh my leu pei nai kamta so; Mosi i reita cha-iura y tajiu nai kamta, mymy i reitachi hawi leu pei nai ngiereichi tangai ba. Hunaibaly nang i sa naira tleirei y hawi, chei naira tleirei y eaung ai.

THEU NAI 29:35

“Kaimy leu pei nai kamta Aron hawi ni i chapochi ai pathyp pi nai keung y tahm palyn nai pawi ly kani saryh ryrei sa ai nai tla.

Ezekiela 43:25

Nang ly kani saryhrei sala kani tleirei, mi-i katai harei, si katai harei, beram katai harei ai kamngo alawra apathyp ai nai vui y talam ai nai tla. Huni tawnbawichi ly no-na by y ai nai tla.

Ezekiela 48:11

Hini meingtym kachai ly Zadok i kangpreang pathyp pi nai keungchi i vui lawm ai nai tla. Nichi ly kai i kalopra ka-ym awm parai naimy sa u nai ne. Takhra Israela chengchi lam tamang u nai khala nichi ly Levi khumichi kamta lam tamang u y.

Levi 10:1

Aron i chapo Nadab hawi Abihu nini ly myni leaung leaungrei i vui mai-ai laawm la hawi iy, mai-ai khai chum baly mui katui phui naimy Areng teng y talam bo. Na i py huna nai talam ai nai Areng my pei y nai deaungkho y, huni mai ly mai kachai ny y.

Levi 14:8

No hawi nai khumi ly my i ateaungchi pasiu iy, mui ngiereichi avau chum baly tui ahiu ai nai tla. Naibaly ni ly reita leaungsai y chai nai deaungkho y, tai naira theung y kun teang pajau bo. Na i py mymy i tai angam mang y kani saryhrei awm ai nai tla.

Levi 8:30

Naibaly Mosi my tahm palyn nai asitui maidenrei hawi maicham tleaung i thi la mai iy, Aron hawi ni i chapochi i tlang tleaung y py, nichi i ateaungchira y py katheng pi bo. Huna nai kamta sa iy ni ly Aron hawi chapochi, nichi i ateaungchi py, Areng teng y au patyp nai ne.

Levi 8:34

Nangchi i kamngo pahenra nga ai nai molam, achi i vaini sa nai sai ly Areng my leu pei nai kamta sa nai ne.

Levi 8:36

Hunaibaly Aron hawi ni i chapochi ly Areng my Mosi teng y leu pei nai kamta sa u nai ne.

Kati Nai 19:12

Nichi ly pa-thom kani hawi saryh kani khala, tui hawi kachai sa ai nai amymy ai apachai ai nai tla. Naibaly ni ly chai ai mang. Na i py ni ly pa-thom kani hawi saryh kani y apachai y baly, ni ly chai ai ny y.

Kati Nai 3:7

Nichi ly kai i awmra Tabynako i vui kalop sa u ai nai tla; pathyp pi nai keung kalopchi hawi Israela cheng verei i kalopchi py sa u ai nai tla.

Kati Nai 9:19

Tabynako salo y tamai kakra awm jo baly nichi ly Areng i leu pei nai tangai i, meingtym asyh u y leang.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

Leu Thui Nai 11:1

“Nangchi i Areng Tameuh ai tamen iy mymy i reita bawibawichi ai tangai u ly patawm u.

I TIMOTHEI 1:18

Kai i chapo Timothei awi, jangni y nang i satang thui u yb nai kamta nang ly huni deaungkho y atiu naira kahawi y ly atiu pajau ai nai, huni parip nai leu kang kry hai:nang ly ym naira hawi, hawi nai hawi y nai pany naira kahawi py patawn cheng:

I TIMOTHEI 5:21

Nang ly hawihai deng y naimy cheh iy patle takhra nai tarawi y ati sai py so y naimy, Tameuh hawi Krista hawi vawi takhra nai kani pri i amtaw thau naichi i mei ka-niu y py huni leu patawm ai nai leu kang pei.

I TIMOTHEI 6:13

Ati cheaungkhangchi ai hengra pei nai keung Tameuh hawi, Pontia Pilata i mo y thai hai nai leu hawi parai nai thui nai keung Krista Isu i mei ka-niu y py leu kang pei.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

I TIMOTHEI 6:20

Aw Timothei awi, nang teng y ang au nai ly hawihai palai kry: Tameuh ai tahm khai y nai leu thui rumrang nai hawi, “pany naira” nanai pathi atyhtyh nai aei naira ai ly hi vui;

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

HEBRAI 7:28

Reita ly ham y naira awm nai khumichi ai ly pathyp pi nai keung kalen keh y khai rym lawh veng; na i py Reita bo i vaineng abeu nai leu ly deungtasarei i vui angym hai chum nai Chapo ai khai rym nai ne.