Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.
Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.
Israela chengchi apathyp nai khala, teaung patawm ai nai reitachi pei pi nai ne. Amimi py, tawnbawi hawi apathyp baly amy i si kanghu theung i mo, beram kanghu, ti y baly mi-i kanghu theung i mo, ha harei hawi apathyp ai nai tla.
Naibaly Mosi ly kamngo pahen nai tawnbawi mi-i satang deng nai khala, leang patlum chum veng bo, nanai thai i, Eleaza hawi Ithama nini tlang tleaung y kado theu hai iy nini teng y,
Huni bo y ni ly khumi mipuichi i vui kapathyprachi talam pi nai ne. Ni ly khumi mipuichi i vui kamngo pahen nai katalamra mi-i la iy tleh chum baly, amy i kamngo pahen nai kapathypra talam nai kamta mi-i hawi talam pi teang bo.
Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,
