Levi 26:9 - Khumi Common Language Bible

⁹ Kai ly nangchi ai amtheaung hai nai deaungkho y, nangchi ly cho deaungdi neangneang sa u ai. Nangchi hawi asa nai Leu Maikawm ai khaw hai ai.

Levi 26:9 ပူးပေါင်းရင်းမြစ်များ

ATITI AWM ANGCHEI NAI 1:28

Nini ai amtheaung hai i, “Cho chanau neangneang so, nangni i kangpreangchi ly khaileaung pri verei y peung u sy; khaileaung pri py peang u. Nangchi i anui y awm ai nai daichi mawichi, tavochi hawi ngochi ai peang u,” napi.

ATITI AWM ANGCHEI NAI 17:20

Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 28:3

Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy!

ATITI AWM ANGCHEI NAI 48:4

Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.

ATITI AWM ANGCHEI NAI 6:18

Na i py kai ly nang hawi Leu Maikawm asa ai. Nangmy hawi vanrei aju py, nang i chapochi py, paleaung pui theung y atang u.

1 ARENG KEH 3:8

Vai kai ly nangmy vawi takhra nai khumichi theung y kaawm bo. Nichi ly kati pajau y na pa-rei nawi nai ne.

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

NEHEMIA 2:20

Naibaly kaimy, “Kani pri mang y awm nai Tameuh my ly kaichi ai eaung ai nai pei ai; kaichi ly mymy i miseaungchi ne i, sa palum nai kalop amteaung ai; nangchi ly Jerusalem mary theung y ati sai py peang y, hini mary theung y nangchi hawi amtawn abi nai ka-ma-ra sai py by y leang,” napi.

NEHEMIA 9:23

Nang ly nichi ai kani mang i ka-sichi kamta, nawi parai nai cho chanauchi pei pi bo; naibaly nichi i amsi pajochi teng y nangmy i adeu nai pri peang hai iy, huni pri y awm hai nai ne.

SAM 107:38

Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

SAM 89:3

Nangmy ly “Kaimy vawi takhra nai khumi hawi Leu Maikawm asa bo; kai i miseaung Davida teng y,

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 2:25

Naibaly mymy i khumi Israela chengchi ly miseaung achei nai, patang nai, niu i adawn pi nai ne.

THEU NAI 6:4

Nichi angvyn kamta awm nai Kanan pri kapei pi ai nanai, kai ly nichi hawi leu maikawm asa yb bo.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 23:4

Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

Ezekiela 16:62

Kai ly nang hawi Leu Maikawm asa bi ai. Huna nai khala y kai ly Areng ne, nanai nang pany ai.

Ezekiela 36:9

Kai ly nangchi ai kang dawn hai iy nangchi mang y asa hai bo. Nangchi ai li hlauchi lop pan hai takengkei iy, amti amjangchi pati hai ai.

Levi 26:15

Nangchi ly kai i reitachi hawi leu pei naichi tangai y iy, nangchi hawi asa nai Leu Maikawm py taphra lawh baly,

LUKA 1:72

Mymy i miseaung Davida i dengtheungchi theung y ly paheng nai taki py ang sa pi bo.

Leu Thui Nai 28:11

Areng ly nangchi ai pei ai, nanai amsi pajochi teng y adeu nai pri y, nangchi ai cho chanau, si, beram tawnbawichi neangneang peung hai ai; amti amjang py neangneang thawn hai ai.

Leu Thui Nai 28:4

“Areng ly nangchi ai cho chanau neangneang thawn-kai ai nai py, amti amjang thau ai nai py, si, beram neangneang peung ai nai py amtheaung hai ai.

Leu Thui Nai 7:13

Mymy ly nangchi ai tamen iy amtheaungra pei nai deaungkho y, nangchi ly peung ai i, cho chanau neangneang sa u ai; mymy ly nangchi i li hlauchi ai amtheaung hai nai deaungkho y, amti amjang, kreip hang hawi olive asitui neangneang nga u ai Mymy ly nangchi ai amtheaung hai nai y, si, beram tawnbawichi py peung ai. Nangchi i amsi pajochi teng adeu nai pri y nangchi tym nai khala, huni amtheaung nairachi ang pei ai.

HEBRAI 8:9

Mymychi i amsi pajochi ai Aikupta pri i dengdairei pahawi ai nai Nichi i kiu y kapatawn nai kani y, Nichi teng y kai i leu maikawm khai nai kamta ny y; Ati mana nai mo nabaly nichi ly kai i leu maikawm y awm u jo y; Hunaibaly nichi ai ly kadawn hai y bo, Areng my napi.