Levi 26:33 - Khumi Common Language Bible

³³ Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

Levi 26:33 ပူးပေါင်းရင်းမြစ်များ

1 ARENG KEH 8:46

“Kamngo so y nai khumi leaungrei py by y leang. Hunai deaungkho y nang i khumichi ly nang i tlang tleaung y kamngo sa u ai. Huna nai khala nang ly kado theu ai i, nichi ai paleung ka-echi i kiu y sum hai iy, pri takhra mang y nichi ai hawi jo ai.

2 ARENG KEH 25:9

Achura yhm, samrang yhm hawi aly len nai khumi bawibawichi i yhmchi ai, mai leng pawn nai ne.

2 NENG SATANG 7:19

Na i py nang hawi nang i khumichi ly kai i Reitachi hawi leu pei naichi taphra iy, tameuh takhrachi ai chiu u lawh baly,

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 1:8

Nang ly Mosi teng y adeu nai leu ai pany pi jo ba: ‘Nangchi ly kai i leu tangai u y baly, kai ly nangchi ai cheng takhrachi theung y ahei hai ai.

ESTHER 3:8

Naibaly Haman ly samrang teng y, “Samrang nang i empara pri khu ka-peang tleirei y khumi cheng harei awm. Nichi i reita tanyn ly takhra chengchi i reita tanyn hawi atawm y. Nichi ly pri peang nai Reitachi ai py tangai u y. Huna nai y nichi i tlang tleaung y neaung kham naimy awm nai ly samrang nang i vui ati sai py kamran by y leang.

SAM 106:27

nichi i katu chanauchi ai Tameuh by y nai khumichi theung y ahei hai iy, pri takhra y dei hai ai, nanai py, leu pei kheng bo.

SAM 44:11

Nang ly kaichi ai beramchi kamta tleh hai iy, pri takhra mang y ahei hai bo.

SAM 44:12

Nang ly nangmy i khumichi ai vang kadi hawi jo vui bo; ati kamran py ngo y nai ne.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 13:24

Areng ly khutaha daichi ka-vym mang ali aho nai theung y akheang nai choh ali kamta, nangchi ai ahei hai phro ai.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 31:10

Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

JEREMIA 8:3

Kaimy ahei hai phro nai meingtymchira i dei kamthumchi, hini hawi y nai khumi chengchi ly mychi heng jo ai nai tleaung y dei ai nai ngai u keh alam ai. Hini ly ati cheaungkhang sa thai nai keung Areng i thui nai leu ne,” napi.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 1:3

Juda pri mipuichi ly pri pala naira avum iy, kajeaung kamangnaira avum i, miseaung achei u bo. Nichi ly yhm hlau meingtym amny y naimy, pri takhra y awm u nai ne. Paleung ka-echi my katanmeuh nai y, tleaungra by y leang bo.

TANGAM NAI LEU 4:15

Khumi mipuichi my, “leh u pawn! Nangchi ly chainem y, kaichi ai abi u moh, nanai aeu u. Hunai deaungkho y nichi ly mychi ai sabawm nai keung by y i, pri harei i nai pri harei mang y ajau u joja nai ne.

TANGAM NAI LEU 4:16

Areng ly nichi ai dawndan pi y nai deaungkho y, mymy ly nichi ai ahei hai phro nai ne. Kaichi i pathyp pi nai keungchi hawi lu sa nai keungchi ai py tahm khai y, meimai khen y leang bo.

Ezekiela 12:20

Khumi angso bi-ai nai mary puichi ai kataphra ai i, pri verei y khumi angso savai tlang nai daichi ka-vym lawm hai ai. Huna nai khala kai ly Areng ne, nanai nichi pany u ai,” napi.

Ezekiela 20:23

Hunai deaungkho y kai ly nichi ai khaileaung pri meingtym tleirei y ahei hai ai, nanai daichi ka-vymra y vaineng ka-beu bo.

Ezekiela 22:15

Kai ly nang i khumichi ai pri tleirei hawi, khumi cheng cheaungkhangchi theung y ahei hai iy, nang i hawi y sa naichi anawn hai ai.

Ezekiela 5:2

Phyrei ai ly Jerusalem mary y katanmeuh nai neng tem nai khala mary theung y mai veang. Takhra phy harei ai lo ly mary theung y amki iy haisau hawi tawpbaw pawn. Vai phy harei ai ly ali theung y pakheang veng. Kai ly huni phyrei ai pareng iy haisau hawi kalei ai.

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

AMOS 9:4

Paleung ka-echi my patiu vui i py, nichi ai padei ai nai kaimy leu pei ai. Kai ly nichi ai sabawm y naimy, taphra vui ai nai leu pacheang veng bo,” napi.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

Leu Thui Nai 4:27

Areng ly nangchi ai pri tleirei y ahei hai ai; huni pri y nangchi i khumi maidenreichy naini heng u ai.

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.