Levi 26:13 - Khumi Common Language Bible

¹³ Kai ly nangchi ai miseaung i nai alaw jo hai ai nai, Aikupta pri i dengdairei pahawi nai, nangchi i Areng Tameuh ne. Kai ly nangchi i myn kaji alaw hai iy, deangtheang naimy tako hai ai” napi.

Levi 26:13 ပူးပေါင်းရင်းမြစ်များ

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

THEU NAI 14:8

Areng ly samrang i paleung tang hai iy Israela chengchi ai hui u bo; Israela chengchi ly amo theu sau naimy theu u nai ne.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 51:23

Huni kreip hang ly nangchi ai pahyp y naimy ana nai khumichi, nangchi ai lam y atlym hai iy, spryh kamta kheu hawi chiu nai khumichi teng y kapei ai,” napi.

ISAIA 9:3

Aw Areng, nang ly nichi ai khri pa-rei amo theu ai nai pei bo. Nang ly nichi ai amo theu hai bo. Khumichi ly amti amjang pakym nai neng khala py, atiura i vawnsaichi phy amji u nai neng khala py, amo theu u nai kamta nichi ly nang i sa naichi molam y amo theu u nai ne.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 28:2

Israela chengchi i Tameuh, ati cheaungkhang sa thai nai keung Areng my, “Kai ly Babulon samrang i sa thai nai taphra vui bo.

JEREMIA 28:4

Kai ly Jehojakim i chapo Juda samrang Jehojakhin ai py, Juda pri i dengdairei Babulon pri mang y abawi jo nai, langheng hawi nai khumichi hawi vanrei, kahawi ali teang ai. Ne, Babulon samrang i sa thai naira kataphra takengkei ai. Hini ly kai Areng i thui nai leu ne,” napi.

Ezekiela 30:18

Aikupta pri i sa thai naira haiho jum hai nai khala, nichi i amlyh am-e nai sorai paleung tama hai ai. Taphan mary ly veng naimy awm ai. Aikupta pri y khupanym my khiu cheng i, mary bawibawichira i khumichi ly langheng y hawi pawn nai avum u ai.

Ezekiela 34:27

Dengkeaung keungchi ly athai iy khaileaung my amti amjang patheu pi ai. Khumi bawibawichi ly mymychi i pri y chymme naimy awm u ai. Kai ly kaimy i khumichi ai pakheng nai sengkrychi su pi iy, nichi ai miseaung i nai lawi hai nai khala, kai ly Areng ne, nanai nichi pany u ai.

HOSEA 11:4

Kai ly nichi ai tamen nai hawimy, kaimy teng y kalym kalawi bo. Nichi ai tangbeng tengtawi abi na pa-rei, katapawm bo. Kai ly meung iy nichi ai kapacho nai ne.

Levi 25:38

Hini ly nangchi ai kanan pri ang pei ai nai hawi, nangchi i Tameuh ne iy nangchi ai Aikupta pri i dengdairei ang pahawi nai nangchi i Areng Tameuh i reita ne.

Levi 25:42

Israela cheng tengtawichi ly Areng i miseaungchi ne i, mymy ly nichi ai Aikupta pri i dengdairei patheu iy pahawi nai ne. Nichi ai miseaung lawm ai nai ka-jo ka-van sa ai nai tlo y.

Levi 25:55

Israela chengchi ly Areng i miseaungchi ne nai deaungkho y, deungtasarei miseaung lawm ai nai avo y. Mymy ly nichi ai Aikupta pri i dengdairei pahawi nai ne i, mymy ly nichi i Areng Tameuh ne.

NAHUM 1:13

Nangchi ai Asuria prichi kiu i nai law tleaung hai ai. Nangchi ai pakheng nai sengkrychi tameang pawn ai,” napi.