Levi 25:39 - Khumi Common Language Bible

³⁹ Nangmychi Israela cheng saleaung deaungpa ly khri pa-rei mawn iy, amymy ai nang teng y miseaung achei ai nai jo lawh baly, ni ai miseaung kamta kalop so hai moh.

Levi 25:39 ပူးပေါင်းရင်းမြစ်များ

1 ARENG KEH 9:22

Solomon ly Israela chengchi ai miseaung y khai y leang. Nichi ly tavaimichi, samrang i bangtangchi, tavailu arengchi, tavai ka-ri luchi, keaungngo tavaimi kalopchira y sa.

2 ARENG KEH 4:1

Amo kamkawm theung i, amo leaungrei i aju neampachy lumai leaungrei ly Elisa teng y chei iy, “Areng awi, kai i juvo ly dei vui bo! Nang i pany nai kamta, ni ly Tameuh ai jei kaji nai khumi ne. Na i py ni ly kalai awm i, kalai keung ly kai i chapo leaung nyhrei ai, ampo i kalai atheu iy miseaung palawn ai nai ang la bo,” napi.

2 NENG SATANG 28:10

Naibaly vai py Jerusalem mary i neampacho neampachychi hawi Juda khumichi ai, nangmychi i miseaung palawn ai nai ka-dawn awm u lawh ly. Nangchi py nangmychi i Areng Tameuh i tlang tleaung y kamngo sa nai khumichi ne, nanai apany u y nai sai a?

NEHEMIA 5:5

Kaichi ly Juda chengchi ny y a? Kaichi i cho chanauchi py nichi i cho chanauchi tleaung y tahm theang y leang. Na i py kaichi ly kaimychi i cho chanauchi ai miseaung lawm hai bo. Chaniu phyreichi ai py miseaung y jo vui bo. Kaichi ly ati sai py so thai y. Kaichi i li hawi kreip akhochi py ami i kiu theung y tym be veng bo ly!” napi u.

THEU NAI 1:14

Yhm pui savang pui sa naira y py, li hlau sa naira y py, pahyp y naimy kho-bai na pa-rei sa hai nai ne.

THEU NAI 21:2

nang ly Hebrai cheng miseaung leaungrei ai van lawh baly ni ly nang teng y saneng tariurei miseaung achei sy. Saryh saneng y ni ly vang pei y naimy miseaung alaw ai nai tla.

JEREMIA 25:14

Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

JEREMIA 27:7

Ni i pri phra nai neng tym y ryrei ly khumi cheng cheaungkhangchi ai ni i miseaung y py, ni i chapo hawi ni i katu i miseaung y py achei hai ai. Naibaly ni i khumi cheng ly sa thai naira len nai chengchi hawi samrangchi i miseaung y achei u ai.

JEREMIA 30:8

Ati cheaungkhang sa thai nai keung Areng my, “Huni neng kani tym nai khala y kai ly huni khumichi i kaneaungra i tamtleang khei vui iy, nichi ai kawm nai tamo vuinawnchi su pi vui ai. Nichi ly pri takhrachi teng y miseaung achei ai ny y.

JEREMIA 34:14

Nichi ly mychi i van nai Hebrai miseaung ngiereichi ai miseaung sa hai teang nai bo y, saryh saneng y ly miseaung alaw hai teang ai nai tla, nanai nichi teng y kaimy thui pi nai ne. Na i py nangchi i amsi pajochi ly kai ai tahm khai u y; kai i leu py tangai u y.

JEREMIA 34:8

Samrang Zedekiah hawi Jerusalem mary i khumichi ly Juda cheng tengtawi miseaung apalawn y ai nai molam y,

JEREMIA 34:9

Hebrai miseaung neampacho, neampachychi ai tlamsa naira pei ai nai ngai u bo.

Levi 25:46

Nangchi i cho chanauchi ly hunichi ai yhmtheaung amtym pajau. Nichi ly nangchi i chapochi i miseaung y, mymychi deungrei awm hai ai nai tla. Na i py nangmychi Israela cheng tengtawi ly apahen ai nai tla.

MATTHAI 18:25

Naibaly mymy ly pei ai ati sai py by y nai deaungkho y yhmkeung my ly mymy hawi aju hawi chanauchi hawi, mymy i ati awm nai bawibawi py jo iy, pe ai nai leu pei bo.