Levi 25:19 - Khumi Common Language Bible

¹⁹ Khaileaung i amti amjangchi nga nai deaungkho y, nangchi ly kajeu kawi pa-rei cha iy, chymme naimy awm u ai mang.

Levi 25:19 ပူးပေါင်းရင်းမြစ်များ

1 ARENG KEH 5:5

Areng ly kai i ampo teng y, ‘Nang bo y samrang lyn nai nang i chapo ly kai i vui Achura Yhm sa ai,’ nanai adeu bo. Naibaly vai, kai ly kai i Areng Tameuh ai chiu ai nai molam Achura Yhm sa ai nai dawn bo.

SAM 67:6

Khaileaung ly amti amjangchi ai thawn hai; achi i Tameuh ly achi ai amtheaung naira pei nai ne.

SAM 85:12

Areng ly achi ai nang chawn hai ai; achi i pri py amti amjang khri pa-rei thawn ai.

LEU KACHENG 1:33

Na i py kai i leu tangai nai khumi ly chymme naimy awm ai nai nga ai. Ni ly jei hyn naira by y naimy, tlamsa nai awm ai,” nanai ne.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

Ezekiela 36:30

Kai ly thengthaichi hawi amti amjangchi thawn hai ai. Hunaibaly khumi cheng cheaungkhangchi theung y nangchi ai tahm phra hai nai tahum takang ly theu hai bi ai ny y.

JOELA 2:24

Choh atyhra meingtymchi ly chohpui chomawchi hawi kawi meng ai. Thengthai atyhra angawmchi py, kreip hang, olive asituichi hawi lem phraiphreaung na ai.

JOELA 2:26

Vai ly nangchi teicha teinei aleu pa-rei nga u ai i, paleung tienem naimy awm u ai. Nangchi ly nangmychi i vui lyh ai hawi naichi sa pi nai keung, kai, nangchi i Areng Tameuh ai palo u ai. Kai i khumichi ly thui tamawn naira mana khala py avum u bi ai ny y.

Levi 25:18

Nangchi ly nangchi i pri theung y chymme naimy awm u thai ai nai Areng i reitachi hawi leu pei naichi tangai u.

Levi 25:20

Na i py li so y, amti amjangchi pakym ai nai ngo y nai saryh saneng y mana cha ai mo? nanai khumi leaungrei my ang deang ai.

Levi 26:4

kai ly neng tym nai khala kani kang nai hai nai deaungkho y, li hlauchira i amti amjangchi theu iy thengthai keungchi athai thawn ai.

Levi 26:5

Nangchi i amti amjangchi khri pa-rei thawn nai deaungkho y, nangchi ly choh tyn nai pajau y khala my, kreip athai jaw nai neng tym ai. Kreip athaichi jaw nai pajau y khala my, choh pati nai neng tym ryp ai. Nangchi ly kajeu kawi pa-rei cha ai nai nga iy, chymme naimy awm ai nai nga u ai.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

Leu Thui Nai 12:10

Nangchi ly Jordan tavo angpeang nai bo y Areng my nangchi ai, huni pri peang iy awm hai ai. Mymy ly nangchi ai paleung ka-e bawibawichi teng i nai ama hai nai deaungkho y, nangchi ly tlamsa naimy awm u ai.