Levi 25:17 - Khumi Common Language Bible

¹⁷ Nangchi ly nangmychi cheng tengtawi atapawp moh; na i py nangchi i Areng Tameuh ai tahm khai ai nai tla.

Levi 25:17 ပူးပေါင်းရင်းမြစ်များ

ATITI AWM ANGCHEI NAI 20:11

Abraham my, “Hini meingtym i khumichi ly Tameuh ai jei y nai hawi tahm khai y nai deaungkho y, Kai i aju ai la vui iy, kai ai padei veng ai, nanai dawn i hina nai kasa nai ne.

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

ATITI AWM ANGCHEI NAI 39:9

Yhmkeung my mymy i awm nai yhmtheaung katui ngiereichi kai teng y ang au nai ne. Mymy ly nang leaungrei ai ny y baly, kai teng y au y nai ati sai py by y; huna nai y Tameuh ngai y nai kamngo ly kai mana kasa lawh ai mo?” napi.

ATITI AWM ANGCHEI NAI 42:18

Pa-thom kani y Josepha my nichi teng y, “Kai py Tameuh ai jei iy tahm khai nai khumi ne; naibaly hina nai sa baly nangchi lawira nga ai nai kang sa pi ai.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

NEHEMIA 5:15

Kai ny y rai khala i peang nai samrang i bangtang kalenchi ly mipuichi ai myn ji hai bo. Nichi teng i cha nei vawn hawi kreip hang i vui kanirei y tangka chang vui palyhrei hnei nai ne. Huni samrang i bangtang kalenchi i miseaungchi malawn py, mipuichi ai pahyp y naimy ana u bo. Na i py kai ly Tameuh ai jei kaji naimy tahm khai nai deaungkho y, huna nai kamta kaso y.

NEHEMIA 5:9

Naibaly kai ly nichi teng y, “Nangchi i sa nai kalop ly hawi y lawh ly! Cheng takhra paleung ka-echi my achi ai ang panui hai naira i nai lawi ai nai, Tameuh ai jei kaji naimy nangchi kateng sa u ai nai avo.

SAM 19:9

Areng ai jei kaji naimy tahm khai nai ly hawi parai nai ne i, deungtasarei khaw jojo ai. Areng i tara chih nai sai y teng parai nai ne i, deungtasarei adyh adawi nai ne.

THEU NAI 20:20

Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 22:22

Khumi kamawn i kamawn nai molam y, ni i vawnsai lawm moh. Tara jeung y jeaungmang nai khumi ai ano moh.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

JEREMIA 22:16

Ni ly khumi kamawnchi i ka-jo ka-thui padyh padawi pi nai deaungkho y, atitichira py aly naira nga bo. Hini ly Areng ai pany naira i hawi naira ne.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

Levi 19:14

Kano kapang ai pasawi moh; mei kamju mo y pathuikhe iy avah ai naira khai pi khyp moh. Kai i leu tangai ai nai tla. Kai ly nangchi i Areng Tameuh ne.

Levi 19:32

“Miteaungchi ai tahm khai ai nai tla; kai ai jei kaji iy kai i leu tangai ai nai tla; Kai ly Areng ne.

Levi 25:14

Huna khala naini nangchi ly amy cheng tengtawi khaileaung ka-jo ka-van sa nai khala, vang ka-ti apani ai nai tla.

Levi 25:36

Huni khumi ai tangka alai ai nai pei lawh baly, katy cho moh. Tameuh ai jei iy ni ai nang i saleaung khumi palawn ai nai tla.

Levi 25:43

Nichi tlang tleaung y pahen nai paleung ka-dawn awm iy, nangchi ly Tameuh ai tahm khai ai nai tla.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

ROM AVANGCHI TENG Y PAWLA I CHA PA NAI 11:20

Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei.

ROM AVANGCHI TENG Y PAWLA I CHA PA NAI 3:18

Nichi i mei ka-niu y ly Tameuh ai tahm khai naira ha py by y leang,” nanai tajiu nai kamta.

Leu Thui Nai 25:18

Nichi ly Tameuh ai jei y nai deaungkho y, nangchi atho kheih, atho bai nai thym khala, nangchi i nithun mang hui iy ang tiu u bo, kangkhym y awm jo nai bawibawichi ai py nichi my padei be nai ne.

I THESALONIKA 4:6

hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.

1 SAMUELA 12:24

Areng ai jei kaji iy, paleung hawi verei ka-ym awm naimy chiu so u; nangchi ly mymy i rengrang ang sa pi naichi ly pany u jo ba.